తమిళంతో పాటు తెలుగులో కూడా తన చిత్రాలతో ప్రేక్షకులకు దగ్గరైన నటుడు ధనుష్. ఆయన రాజకీయాల్లోకి వస్తున్నారంటూ గత కొద్ది రోజులుగా వార్తలు వస్తున్న సంగతి తెలిసిందే. ఇక ఈ నేపథ్యంలో ప్రముఖ సంగీత దర్శకుడు జీ.వి.ప్రకాష్ కుమార్ కీలక వ్యాఖ్యలు చేశారు. ధనుష్ తనకు చాలా మంచి స్నేహితుడని ఎప్పుడు ధనుష్ కు మద్దతుగా ఉంటానన్నారు. ఏ నిర్ణయం తీసుకున్న ధనుష్ తోనే ఉంటానని పేర్కొన్నారు. ఒకవేళ రాజకీయాల్లోకి వచ్చినా తన మద్దతు ధనుష్ కు ఉంటుందన్నారు. గత కొద్ది నెలలుగా ధనుష్ అభిమాన సంఘాలు సామాజిక సంక్షేమ కార్యక్రమాలపై దృష్టి సారించడం ఈ రాజకీయ ప్రవేశ వార్తలకు ప్రధాన కారణం. గతంలో ప్రముఖ నటులు ఎం.జి.ఆర్, జయలలిత, ఇంకా ఇటీవల విజయ్ వంటి వారితో పాటు విజయకాంత్, కమల్ హాసన్, శివాజీ గణేశన్ వంటి పలువురు తారలు తమ అభిమాన సంఘాల ద్వారా ప్రజల్లోకి వెళ్లి, రాజకీయ ప్రవేశం చేసిన చరిత్ర తమిళనాడుకు ఉంది. ‘ఆల్ ఇండియా ధనుష్ ఫ్యాన్స్ వెల్ఫేర్ అసోసియేషన్’ పేరుతో ఆయన అభిమాన సంఘాలు కోయంబత్తూరు వంటి జిల్లాల్లో నియోజకవర్గ స్థాయిలో సంక్షేమ సంఘాలను ఏర్పాటు చేస్తూ, కొత్త సభ్యులను చేర్చుకుంటున్నాయి. రక్తదానం, విద్యా సహాయం వంటి కార్యక్రమాలు చేపట్టడమే కాకుండా, ధనుష్ తన స్వంత నిధులతో ఒక పాఠశాల భవనాన్ని కూడా ప్రారంభించారు. ధనుష్ కూడా తన అభిమానులను సామాజిక కార్యక్రమాల్లో చురుకుగా పాల్గొనాలని, ప్రజా సంక్షేమం కోసం పాటుపడాలని పలు సందర్భాల్లో పిలుపునిచ్చారు. ఈ పరిణామాలు, ప్రకటనలు ధనుష్ రాజకీయ ప్రవేశానికి రంగం సిద్ధం చేస్తున్నాయన్న ఊహాగానాలకు బలం చేకూర్చాయి. విజయ్ 2024 ఫిబ్రవరిలో తన తమిళగ వెట్రి కజగం (TVK) పార్టీని ప్రారంభించి, 2026 మే అసెంబ్లీ ఎన్నికల్లో 108 సీట్లతో విజయం సాధించి, తమిళనాడు ముఖ్యమంత్రి అయిన తర్వాత, దశాబ్దాల DMK-AIADMK ఆధిపత్యాన్ని బద్దలు కొట్టి, యువత, తొలిసారి ఓటర్ల మద్దతుతో రాజకీయాల్లో సంచలనం సృష్టించారు. ధనుష్ కూడా అదే బాటలో నడవాలని అభిమానులు ఆశిస్తున్నారని అంటున్నారు.తాజాగా, సంగీత దర్శకుడు జి.వి. ప్రకాష్ కుమార్, ధనుష్ రాజకీయ ప్రవేశంపై కీలక వ్యాఖ్యలు చేశారు. ధనుష్ తనకు అత్యంత మంచి స్నేహితుడని, ఎల్లప్పుడూ తనకు మద్దతుగా నిలుస్తానని జి.వి. ప్రకాష్ స్పష్టం చేశారు. “ధనుష్ ఏ నిర్ణయం తీసుకున్నా, నేను అతనితోనే ఉంటాను. ఒకవేళ ధనుష్ రాజకీయాల్లోకి వచ్చినా, నా పూర్తి మద్దతు అతనికే” అని జి.వి. ప్రకాష్ కుమార్ ప్రకటించారు. ఈ ప్రకటన ధనుష్ రాజకీయ భవిష్యత్తుపై అంచనాలను మరింత పెంచింది. ఆయన సన్నిహితులు సైతం ఇలా బహిరంగంగా మద్దతు తెలపడం వెనుక ఏదో బలమైన కారణం ఉందన్న చర్చ మొదలైంది.
