Ustad Bhagat Singh: పవన్ కళ్యాణ్ హీరోగా ఇటీవల విడుదలైన ‘OG’ భారీ విజయాన్ని సాధించి, ఏకంగా 310 కోట్లకు పైగా గ్రాస్ వసూళ్లను రాబట్టి, ఈ సంవత్సరంలో తెలుగులో అత్యధిక వసూళ్లు సాధించిన సినిమాగా నిలిచింది. దీంతో, ఇప్పుడు అందరి దృష్టి తదుపరి చిత్రం ‘ఉస్తాద్ భగత్ సింగ్’పై పడింది. హరీష్ శంకర్ దర్శకత్వం వహిస్తున్న ఈ సినిమాపై కూడా భారీ అంచనాలు నెలకొన్నాయి.
‘ఉస్తాద్ భగత్ సింగ్’ కూడా ఒక పక్కా కమర్షియల్ యాక్షన్ డ్రామాగా రూపొందుతోంది. ముఖ్యంగా, పవన్ కళ్యాణ్-హరీష్ శంకర్ కాంబినేషన్ బ్లాక్ బస్టర్ కాంబినేషన్గా పేరుగాంచింది. గతంలో వీరిద్దరి కలయికలో వచ్చిన ‘గబ్బర్ సింగ్’ ఇండస్ట్రీ హిట్ సాధించిన విషయం తెలిసిందే. అందుకే వీరి కలయికలో వస్తున్న ‘ఉస్తాద్ భగత్ సింగ్’పై అభిమానుల్లో విపరీతమైన క్రేజ్ ఉంది. ఈ నేపథ్యంలో, సినిమా షూటింగ్కు సంబంధించిన తాజా అప్డేట్ ఒకటి సినీ వర్గాల్లో చక్కర్లు కొడుతోంది.
‘ఉస్తాద్ భగత్ సింగ్’ షూటింగ్ ఇప్పటికే 75% పూర్తయిందని సమాచారం. పవన్ కళ్యాణ్ నటించాల్సిన భాగం షూటింగ్ ఇప్పటికే ముగియగా, మిగిలిన ఆర్టిస్టులతో బ్యాలెన్స్ పోర్షన్ను పూర్తి చేస్తున్నారు. అయితే, దర్శకుడు హరీష్ శంకర్ ‘ఉస్తాద్ భగత్ సింగ్’ మొత్తం షూటింగ్ను నవంబర్ నెలాఖరుకల్లా పూర్తి చేయాలని లక్ష్యంగా పెట్టుకున్నారట. ఈ టార్గెట్ను చేరుకోవడానికి ఆయన షూటింగ్ను వేగవంతం చేయాలని నిర్ణయించుకున్నట్లు తెలుస్తోంది. Ustad Bhagat Singh.
పవన్ కళ్యాణ్ భాగం చిత్రీకరణ పూర్తవడం వలన, అనుకున్న సమయానికి షూటింగ్ను ముగించడం సులభమవుతుంది. ఈ సినిమాలో శ్రీలీల, రాశీ ఖన్నా హీరోయిన్లుగా నటిస్తున్నారు. మైత్రీ మూవీ మేకర్స్ నిర్మిస్తున్న ఈ చిత్రం గురించి, షూటింగ్ పూర్తయిన తర్వాత అన్ని విషయాలు పరిశీలించి, మంచి విడుదల తేదీని ప్రకటిస్తామని నిర్మాతలు ఇప్పటికే స్పష్టం చేశారు. ‘గబ్బర్ సింగ్’ తర్వాత పవన్-హరీష్ కాంబినేషన్లో వస్తున్న ఈ సినిమా కూడా మరో ఇండస్ట్రీ హిట్ అవుతుందని అభిమానులు ఆశిస్తున్నారు. మరి, వారి ఆశలు ఏ మేరకు ఫలిస్తాయో వేచి చూడాలి.