పలు చిత్రాల్లో హాస్యనటుడిగా ప్రేక్షకులను అలరించి తదనంతరం హీరోగానూ ‘విడుతలై’, ‘మామన్’ వంటి హిట్ చిత్రాలతో మెప్పించారు. ప్రస్తుతం ఆయన హీరోగా ప్రముఖ నిర్మాణ సంస్థ మైత్రి మూవీ మేకర్స్ ఒక సినిమాను ప్రకటించింది. ఈ మేరకు అధికారికంగా ప్రకటిస్తూ ఒక కాన్సెప్ట్ పోస్టర్ ను విడుదల చేసింది. అందులో హీరో నీటిలో ఉండి చేతిలో ఆయుధాలతో ఉండడం ఆసక్తిరేకిత్తిస్తోంది. Blood followed the flood అనే వ్యాఖ్యను పోస్టర్ లో పొందుపరిచారు. రవి కుమార్ దర్శకత్వం వహిస్తున్న ఈ సినిమా తెలుగు,తమిళ భాషల్లో ప్రేక్షకుల ముందుకు రానున్నట్లు నిర్మాణసంస్థ తెలిపింది. ఇది ఈ సంస్థకు తమిళంలో 3వ సినిమా. సూరి 7 అనే వర్కింగ్ టైటిల్ తో ప్రకటించారు. ఇతర నటీనటులు, సంగీత దర్శకుడు, సాంకేతిక నిపుణులతో కూడిన మిగిలిన వివరాలను త్వరలో ప్రకటించనున్నట్లు తెలుస్తోంది.
