Yellamma Script Bellamkonda Srinivas: ‘బలగం’ సినిమాతో దర్శకుడిగా బ్లాక్బస్టర్ విజయాన్ని అందుకున్న వేణు యెల్దండి, తన తదుపరి చిత్రం ‘ఎల్లమ్మ’ స్క్రిప్ట్పై చాలా కాలంగా పనిచేస్తున్నారు. ఈ ప్రతిష్టాత్మక ప్రాజెక్టును దిల్ రాజు నిర్మాణ సంస్థ అయిన వెంకటేశ్వర క్రియేషన్స్ బ్యానర్లో రూపొందించనున్నట్లు గతంలో ప్రకటించారు. అయితే, ‘బలగం’ విడుదలై దాదాపు రెండున్నర సంవత్సరాలు దాటినా, ‘ఎల్లమ్మ’ అధికారికంగా సెట్స్పైకి వెళ్లకపోవడంతో ఈ సినిమాపై రకరకాల ఊహాగానాలు చక్కర్లు కొడుతున్నాయి.
దిల్ రాజు గతంలో ‘ఎల్లమ్మ’ చిత్రాన్ని హీరో నితిన్తో నిర్మించనున్నట్లు, నితిన్ ‘తమ్ముడు’ సినిమా విడుదలైన తర్వాత ఈ ప్రాజెక్ట్ను ప్రారంభిస్తామని తెలిపారు. అయితే, ‘తమ్ముడు’ బాక్సాఫీస్ వద్ద నిరాశపరచడం, ఆ సినిమా విడుదలై మూడు నెలలు గడిచినా ‘ఎల్లమ్మ’ గురించి ఎలాంటి సమాచారం లేకపోవడంతో… ఈ ప్రాజెక్ట్ చేతులు మారిందనే ప్రచారం ఊపందుకుంది.
తాజాగా అందుతున్న సమాచారం ప్రకారం, నితిన్ స్థానంలో మరో హీరోను తీసుకునే యోచనలో మేకర్స్ ఉన్నారట. ముందుగా శర్వానంద్ పేరు వినిపించినా, ఇప్పుడు బెల్లంకొండ సాయి శ్రీనివాస్తో సంప్రదింపులు జరుగుతున్నట్లు ఒక ఆసక్తికరమైన రూమర్ నెట్టింట వైరల్ అవుతోంది. ‘కిస్కింధపురి’తో భారీ విజయం సాధించిన బెల్లంకొండ లైనప్లోకి ఈ క్రేజీ ప్రాజెక్ట్ వచ్చిందని సినీ వర్గాల్లో చర్చ నడుస్తోంది. చర్చలు అనుకూలంగా జరిగితే, త్వరలోనే వెంకటేశ్వర క్రియేషన్స్ బ్యానర్లో అధికారిక ప్రకటన వచ్చే అవకాశం ఉందని భావిస్తున్నారు. ఈ వార్తల్లో ఎంతవరకు నిజం ఉందనేది తెలియాల్సి ఉంది.
‘ఎల్లమ్మ’ ప్రీ-ప్రొడక్షన్ పనులు దాదాపు ఏడు నెలల క్రితమే మొదలయ్యాయి. ఇది గ్రామీణ నేపథ్యంలో, కథలో మహిళా ప్రధాన పాత్రకు ప్రాధాన్యత ఉండే స్టోరీగా టైటిల్ను బట్టే తెలుస్తోంది. ఈ ప్రాజెక్టులో హీరో కంటే ముందే హీరోయిన్ను ఫైనల్ చేయాలని భావించారు. మొదట్లో నితిన్ సరసన సాయి పల్లవిని తీసుకోవాలని దర్శకుడు వేణు ఆసక్తి చూపారట. కానీ, ఆమె డేట్స్ సర్దుబాటు కాకపోవడంతో ఈ ప్రాజెక్ట్ నుండి తప్పుకున్నారని వార్తలు వచ్చాయి. Yellamma Script Bellamkonda Srinivas.
ఆ తర్వాత టీం కీర్తి సురేశ్ను సంప్రదించగా, ఆమె ముందు ఓకే చెప్పి, ఆ తర్వాత నో చెప్పినట్లు తెలుస్తోంది. దీంతో ‘ఎల్లమ్మ’ హీరోయిన్ ఎవరనేది కూడా ప్రస్తుతం సస్పెన్స్గా మారింది. ప్రాజెక్ట్లో తరచుగా మార్పులు జరుగుతున్నాయనే వదంతుల నేపథ్యంలో, దర్శకుడు వేణు లేదా నిర్మాత దిల్ రాజు దీనిపై స్పష్టత ఇస్తే తప్ప ఈ ఊహాగానాలకు తెరపడే అవకాశం లేదు. ప్రస్తుతం అందుతున్న సమాచారం ప్రకారం, ఈ సినిమా షూటింగ్ ఈ ఏడాది చివర్లో ప్రారంభమయ్యే అవకాశం ఉంది.