ఇన్నాళ్లూ అందని కోటలా ఉన్న పశ్చిమ బెంగాల్ లో నేడు బీజేపీ అధికారం లోకి వచ్చింది. ఇటీవలే అక్కడ బీజేపీ ప్రభుత్వం ఏర్పాటు చేసింది. మొట్ట మొదటి బీజేపీ సీఎంగా సువేందు అధికారి ముఖ్యమంత్రిగా ప్రమాణ స్వీకారం చేశారు. యావత్ భారతం బెంగాల్ వైపు చూస్తోంది. అయితే ఈ వేడుకలో అందరినీ ఆశ్చర్యపరిచిన ఘటన ఒకటుంది. ప్రధాని మోడీ చేసిన ఒక ‘సాష్టాంగ నమస్కారం’. అసలు మోడీ ఎందుకు అలా చేశారు? మమత 15 ఏళ్ల పాలనకు ప్రజలు ఎందుకు చరమగీతం పాడారు? బెంగాల్ లో వచ్చిన మార్పు సామాన్యమైనది కాదు.. ప్రధానమంత్రి నరేంద్ర మోడీ వ్యూహాలకు, బెంగాల్ సంస్కృతి పట్ల ఆయనకున్న గౌరవానికి నేడు యావత్ భారతం ఫిదా అవుతోంది. సువేందు అధికారి ప్రమాణ స్వీకార కార్యక్రమం బెంగాల్ చరిత్రలో ఒక మైలురాయిగా నిలిచిపోతుంది. బీజేపీకి మతతత్వ పార్టీ అని ముద్ర వేయాలని చూసిన వారికి ఈ విజయం ఒక చెంపపెట్టు లాంటిది. మోడీ నమ్మిన సిద్ధాంతం, ఆయన పాటించే సంప్రదాయం బెంగాల్ ప్రజలకు మరింత దగ్గర చేశాయి. గెలిచిన అహంకారం తలకెక్కకుండా, గెలిపించిన ప్రజల ముందు మోకరిల్లిన వినయం ఆయన పట్ల ప్రజల్లో ఉన్న గౌరవాన్ని శిఖరానికి చేర్చింది. 15 ఏళ్ల సుదీర్ఘ పాలన చేసిన టీఎంసీని పక్కకు పెట్టి ప్రజలు బీజేపీకి అధికార పగ్గాలు ఇచ్చారు. అది వారు కోరుకున్న నిజమైన మార్పు. ఆ మార్పును గౌరవిస్తూ ప్రధాని చేసిన సాష్టాంగ నమస్కారం సోషల్ మీడియాలో ఇప్పుడు ఒక ప్రభంజనం సృష్టిస్తోంది. ఇది కేవలం ఒక ఫోటో కాదు.. అది ఒక భావోద్వేగం, ఒక నమ్మకం. మమతా బెనర్జీని తన సొంత నియోజకవర్గాల్లోనే ప్రజలు తిరస్కరించారు. సుస్థిరమైన పరిపాలన కేవలం డబుల్ ఇంజన్ సర్కార్ తోనే సాధ్యమని ప్రజలు గట్టిగా నమ్మారు. ప్రధాని మోదీ ఈ గెలుపును వినమ్రంగా స్వీకరించిన తీరు చూసి రాజకీయ విశ్లేషకులు సైతం ఆశ్చర్యపోతున్నారు. రాజకీయ ప్రత్యర్థులు ఎన్ని విమర్శలు చేసినా, ప్రజల తీర్పు మాత్రం స్పష్టంగా ఉంది. బెంగాల్ అభివృద్ధి చెందాలంటే బిజెపి ఒక్కటే ప్రత్యామ్నాయమని ప్రజలు గట్టిగా నిర్ణయించుకున్నారు. మమతా బెనర్జీ పతనానికి ప్రధాన కారణం ప్రజల నుంచి ఆమె దూరం కావడమేనని చెబుతున్నారు. తనను గెలిపించిన ప్రజల కంటే, ఎన్నికల వ్యూహాలను నమ్ముకోవడం ఆమె చేసిన అతిపెద్ద తప్పుగా కనిపిస్తోంది. ఇప్పుడు బెంగాల్ ప్రజలు కొత్త ఆశలతో ముందుకు సాగుతున్నారు. సువేందు అధికారి నాయకత్వంలో బీజేపీ ప్రభుత్వం రాష్ట్రం ప్రగతి పథంలో పయనిస్తుందని అందరూ భావిస్తున్నారు. బెంగాల్ ఎన్నికల ఫలితాలు చూస్తుంటే ప్రజలు ఎంత కసిగా తీర్పు ఇచ్చారో అర్థమవుతోంది. మమతా బెనర్జీ తన పట్టును కోల్పోయి, అధికారాన్ని వదులుకోవాల్సి రావడం వెనుక ఆమె చేసిన స్వయంకృతాపరాధాలు ఎన్నో ఉన్నాయి. ఆమె ప్రజల పట్ల ప్రదర్శించిన వైఖరే నేడు ఆమెను పదవికి దూరం చేసింది. అదే సమయంలో మోదీ సాష్టాంగ నమస్కారంతో బెంగాలీల హృదయాలను కూడా గెలిచారు.
