జైలర్2 ఫస్ట్ డే సునామీ..తొలిరోజు కలెక్షన్ ఎంతంటే..?
కామెంట్లు (0)
గతేడాది జైలర్ సినిమాతో ఇండస్ట్రీ హిట్ కొట్టిన రజినీకాంత్.. ఇప్పుడు జైలర్ 2తో మన ముందుకు వచ్చేశారు. నెల్సన్ దిలీప్‌కుమార్ డైరెక్షన్‌లో వచ్చిన ఈ మూవీకి తొలి ఆట నుంచే పాజిటివ్ టాక్ రావడంతో.. థియేటర్ల దగ్గర కలెక్షన్ల సునామీ మొదలైంది. టైగర్ ముత్తువేల్ పాండియన్ గా రజినీకాంత్ మరోసారి తన విశ్వరూపం చూపించారు. సినిమా మొదటి రోజు ఏకంగా 37 లక్షలకు పైగా మంది థియేటర్లకు వెళ్లి సినిమా చూశారు. దీంతో ప్రపంచవ్యాప్తంగా తొలిరోజే 125 కోట్ల గ్రాస్ వసూలు చేసి కోలీవుడ్ బాక్సాఫీస్‌ను షేక్ చేసింది జైలర్ 2.
మొదటి పార్ట్ హిట్ కావడంతో భారీ అంచనాలతో జైలర్ 2కి ఓపెనింగ్స్ అదిరిపోయాయి. ప్రపంచవ్యాప్తంగా తొలిరోజు ఈ సినిమాకు సుమారు 55.4 శాతం ఆక్యుపెన్సీ నమోదైంది. భారతదేశం వరకే చూసుకుంటే.. జైలర్ 2 తొలిరోజు 59 కోట్ల 70 లక్షల నెట్ కలెక్షన్స్ సాధించింది. అంటే గ్రాస్ లెక్కల్లో చూసుకుంటే ఇండియా గ్రాస్ 70 కోట్ల 25 లక్షలుగా నమోదైంది. ఇక ఓవర్సీస్ మార్కెట్ నుంచి రజినీకాంత్‌కు ఎప్పట్లాగే సాలిడ్ ఓపెనింగ్స్ వచ్చాయి. ఓవర్సీస్ నుంచి ఏకంగా 55 కోట్ల రూపాయల గ్రాస్ వచ్చింది. ఇవన్నీ కలుపుకుంటే వరల్డ్‌వైడ్ ఫస్ట్ డే గ్రాస్ 125 కోట్లకు చేరుకుంది.
రాష్ట్రాల వారీగా వచ్చిన కలెక్షన్స్‌ను గమనిస్తే...తమిళనాడులో 24 కోట్లు, ఏపీ-తెలంగాణలో 14 కోట్ల 50 లక్షలు, కర్ణాటకలో 14కోట్ల 50 లక్షలు, కేరళ లో 12 కోట్ల 50 లక్షలు,..ఇలా తమిళం ,తెలుగు , హిందీ, కన్నడ భాషలను కలుపుకుంటే చూస్తుంటే జైలర్ 2 తన సత్తా చాటిందని స్పష్టంగా అర్థమవుతోంది. ఇంత భారీ ఓపెనింగ్ సాధించినప్పటికీ జైలర్ 2 తమిళ సినిమా చరిత్రలో అతిపెద్ద ఓపెనింగ్ రికార్డును అందుకోలేకపోయింది. ఈ లిస్టులో టాప్ 2 పొజిషన్లలో ఉన్న ఆ రెండు సినిమాల రికార్డులు సేఫ్‌గా మిగిలిపోయాయి. తమిళ సినిమా హిస్టరీలో ఫస్ట్ డే అత్యధిక వరల్డ్‌వైడ్ గ్రాస్ సాధించిన సినిమాల లిస్ట్ చూస్తే.. అగ్రస్థానంలో మన రజినీకాంత్ నటించిన కూలీ సినిమానే ఉంది. 2025లో వచ్చిన కూలీ తొలిరోజు ప్రపంచవ్యాప్తంగా 151 కోట్ల గ్రాస్ సాధించి ఎవరూ టచ్ చేయలేని రికార్డును క్రియేట్ చేసింది. ఆ తర్వాత రెండో స్థానంలో దళపతి విజయ్ నటించిన బ్లాక్‌బస్టర్ హిట్ లియో ఉంది.
