టాలీవుడ్ సూపర్ టాలెంటెడ్ యాక్టర్ విజయ్ దేవరకొండ బాలీవుడ్ అందాల తార కృతి సనన్ ఈ ఇద్దరూ కలిసి ఒక సినిమాలో నటించబోతున్నారనే వార్త ఇప్పుడు ఫిల్మ్నగర్లో హాట్ టాపిక్గా మారింది. అధికారిక ప్రకటన ఇంకా రాకపోయినా, ఇండస్ట్రీ వర్గాల్లో మాత్రం ఈ కాంబినేషన్పై గట్టిగానే చర్చ జరుగుతోంది. ముఖ్యంగా విజయ్ దేవరకొండ లాంటి యూత్ ఐకాన్కు, బాలీవుడ్ స్టార్ హీరోయిన్ కృతి సనన్ జోడీ కుదిరితే సినిమా పాన్ ఇండియా స్థాయిలో భారీ హైప్ క్రియేట్ చేయడం ఖాయమని సినీ విశ్లేషకులు భావిస్తున్నారు. ప్రస్తుతం ఈ ప్రాజెక్ట్కు సంబంధించిన ప్రీ-ప్రొడక్షన్ పనులు శరవేగంగా జరుగుతున్నాయని సమాచారం. కథ, పాత్రల రూపకల్పన, సెట్స్ డిజైనింగ్, విజువల్ కాన్సెప్ట్ అన్నిటి పై దర్శకుడు ప్రత్యేక శ్రద్ధ తీసుకుంటున్నారట. ఎందుకంటే ఇది సాధారణ కమర్షియల్ మూవీ కాకుండా, పౌరాణిక అంశాలతో కూడిన భారీ విజువల్ ఎంటర్టైనర్గా తెరకెక్కబోతోందని టాక్ వినిపిస్తోంది. ముఖ్యంగా ఈ సినిమాలో హీరో పాత్ర చాలా పవర్ఫుల్గా ఉండబోతుందని తెలుస్తోంది. విజయ్ దేవరకొండను ఇప్పటివరకు చూడని కొత్త అవతారంలో చూపించేందుకు దర్శకుడు ప్లాన్ చేస్తున్నారట. యాక్షన్, ఎమోషన్స్, ఫాంటసీ ఎలిమెంట్స్ అన్ని ఈ కథలో ఉండబోతున్నాయని సమాచారం. అందుకే ఈ సినిమాపై అభిమానుల్లో ఇప్పటికే ఆసక్తి పెరుగుతోంది. ఇదిలా ఉంటే ఇప్పుడు అందరి దృష్టి హీరోయిన్ ఎంపికపై పడింది. ఈ సినిమాలో హీరోయిన్ పాత్రకు బాలీవుడ్ బ్యూటీ కృతి సనన్ను సంప్రదిస్తున్నారని ఫిల్మ్నగర్లో టాక్ వినిపిస్తోంది. కృతి సనన్ ఇప్పటికే తెలుగు ప్రేక్షకులకు బాగా పరిచయమైన హీరోయిన్. ఆమె మహేష్ బాబు హీరోగా నటించిన 1: ‘నేనొక్కడినే’ సినిమాతో టాలీవుడ్ లోకి అడుగుపెట్టారు. ఆ తర్వాత నాగచైతన్యతో కలిసి ‘దోచేయ్’ సినిమాలో నటించారు. అలాగే పాన్ ఇండియా స్థాయిలో రూపొందిన ‘ఆదిపురుష్’ లో సీతాదేవి పాత్రలో కనిపించారు. ఇక ఈ తాజా సినిమాలో ఆమె పాత్రకు మంచి ప్రాధాన్యత ఉండే అవకాశముందని టాక్ వినిపిస్తోంది. మరోవైపు విజయ్ దేవరకొండ ప్రస్తుతం వరుస సినిమాలతో బిజీగా ఉన్నారు. ప్రస్తుతం ఆయన రణబాలి, రౌడీ జనార్దన్ సినిమాల్లో నటిస్తున్నారు.
