టాలీవుడ్ అభిమానులు ఎన్నాళ్లుగానో ఎదురు చూస్తున్న క్రేజీ కాంబినేషన్ సూపర్ స్టార్ మహేశ్ బాబు దర్శకధీరుడు ఎస్ ఎస్ రాజమౌళి కలిసి చేస్తున్న “వారణాసి”. అనౌన్స్ అయిన రోజు నుంచే అంచనాలు ఆకాశాన్ని తాకాయి. ఈ కాంబినేషన్ అంటేనే ఒక బ్రాండ్, ఒక గ్యారంటీ. అందుకే ప్రపంచవ్యాప్తంగా ఉన్న సినిమా ప్రేమికుల దృష్టి మొత్తం ఇప్పుడు ఈ ప్రాజెక్ట్పైనే ఉంది.
ఈ సినిమా కేవలం తెలుగు సినిమా కాదు, గ్లోబల్ స్థాయిలో ప్రేక్షకులను ఆకట్టుకునేలా రూపొందుతోంది. రాజమౌళి గత చిత్రాలు ఏ రేంజ్లో ప్రభావం చూపాయో తెలిసిందే. అదే స్థాయిని మించి ‘వారణాసి’ను తీసుకెళ్లాలని ఆయన లక్ష్యంగా పెట్టుకున్నారు. అందుకే ప్రతి విషయంలో కూడా అత్యున్నత ప్రమాణాలు పాటిస్తున్నారు. ఈ చిత్రంలో బాలీవుడ్ స్టార్ ప్రియాంక చోప్రా జోనాస్ హీరోయిన్ మందాకినీ గా నటిస్తోంది. ఆమె అంతర్జాతీయ స్థాయిలో ఉన్న ఫాలోయింగ్ ఈ సినిమాకు మరింత హైప్ తీసుకొస్తోంది. మరోవైపు మలయాళ స్టార్ పృథ్వీరాజ్ సుకుమారన్ విలన్ కుంభ పాత్రలో కనిపించబోతుండటం ప్రత్యేక ఆకర్షణగా మారింది. ప్రస్తుతం ఈ సినిమాకు సంబంధించిన షూటింగ్ పనులు వేగంగా కొనసాగుతున్నాయి. రాజమౌళి సినిమాలు అంటే ఎమోషన్తో పాటు గ్రాండ్ విజువల్స్ కూడా తప్పనిసరిగా ఉంటాయి. ‘వారణాసి’లో కూడా అదే మేజిక్ రిపీట్ చేయడానికి ఆయన తీవ్రంగా శ్రమిస్తున్నారు. ముఖ్యంగా విజువల్ ఎఫెక్ట్స్ విషయంలో ఎక్కడా రాజీ పడటం లేదు. ఈ సినిమా కోసం హాలీవుడ్ స్థాయి VFX వర్క్ జరుగుతోంది. సినిమా ఇండియా లోనే కాకుండా, మొత్తం చాల దేశాల్లో ఒకేసారి రిలీజ్ చేసి, పాన్ వరల్డ్ హిట్ కొట్టాలని ప్లాన్. ఇక ఈ చిత్రాన్ని ప్రముఖ నిర్మాతలు కేఎల్ నారాయణ కార్తికేయ భారీ బడ్జెట్తో నిర్మిస్తున్నారు. ప్రొడక్షన్ వాల్యూస్ విషయంలో ఎక్కడా తగ్గకుండా, ప్రపంచ స్థాయి సినిమా ఇవ్వాలనే లక్ష్యంతో ముందుకు సాగుతున్నారు. సంగీతం విషయానికి వస్తే, ఆస్కార్ విజేత ఎం ఎం కీరవాణి ఈ చిత్రానికి సంగీతాన్ని అందిస్తున్నారు. ఆయన బ్యాక్గ్రౌండ్ స్కోర్ సినిమాకు ప్రాణం పోస్తుందని ఇప్పటికే అభిమానులు నమ్మకం వ్యక్తం చేస్తున్నారు. రాజమౌళి-కీరవాణి కాంబినేషన్ గతంలో ఎన్నో సూపర్ హిట్ సినిమాలకు పనిచేసింది. ఇప్పుడు ‘వారణాసి’తో మరోసారి ఆ మ్యాజిక్ రిపీట్ అవుతుందని ఆశిస్తున్నారు. ఇన్నేళ్లుగా ఎదురుచూసిన మహేశ్ బాబు – రాజమౌళి కాంబినేషన్ ఇప్పుడు నిజమవ్వడంతో, ఈ సినిమా బాక్సాఫీస్ వద్ద సరికొత్త రికార్డులు సృష్టించడం ఖాయమని ట్రేడ్ వర్గాలు భావిస్తున్నాయి. కేవలం ఇండియాలోనే కాదు, అంతర్జాతీయ మార్కెట్లో కూడా ఈ సినిమా సంచలన విజయాన్ని సాధించే అవకాశం ఉందని అంచనాలు ఉన్నాయి. మొత్తానికి ‘వారణాసి’ ఒక సాధారణ సినిమా కాదు — ఇది ఒక భారీ విజన్. మహేశ్ బాబు స్టార్డమ్, రాజమౌళి దర్శకత్వ ప్రతిభ, అంతర్జాతీయ స్థాయి టెక్నాలజీ అన్ని కలిస్తే ఇది నిజంగా ఇండియన్ సినిమా హిస్టరీలో ఒక మైలురాయిగా నిలిచే అవకాశం ఉంది.