బంగ్లాదేశ్‌లో భారీ విద్యుత్ సంక్షోభం: భారత్ సాయం?

దేశవ్యాప్తంగా అనేక చోట్ల పవర్ కట్స్ తో పొరుగు దేశం బంగ్లాదేశ్ అల్లాడుతోంది. పరిస్థితి తీవ్రంగా ఉండడంతో అక్కడ ఆంక్షలు కూడా కొనసాగుతున్నాయి. ఇక ఇలాంటి సమయంలో భారత్ ను డీజిల్ కూడా సాయంగా కావాలని అడిగింది. ఆ దేశ రాజధాని ఢాకాలో మినహా మిగిలిన ప్రాంతాల్లో 8 గంటల నుండి 10 గంటల పవర్ కట్స్ కొనసాగుతున్నట్లు తెలుస్తోంది. బంగ్లాదేశ్ ప్రస్తుతం తీవ్రమైన విద్యుత్ సంక్షోభంతో అల్లాడుతోంది. దేశవ్యాప్తంగా అనేక ప్రాంతాల్లో సుదీర్ఘ పవర్ కట్స్ ప్రజల జీవితాన్ని ప్రభావితం చేస్తున్నాయి. ఈ ఇంధన కొరత కారణంగా, ఆర్థిక కార్యకలాపాలు మందగిస్తున్నాయి, సాధారణ ప్రజలు నిత్యం ఇబ్బందులు పడుతున్నారు. ఈ సంక్షోభాన్ని అధిగమించడానికి బంగ్లాదేశ్ ప్రభుత్వం అనేక చర్యలు తీసుకుంటోంది. ప్రధాన మంత్రి తారిక్ రెహమాన్ నాయకత్వంలోని ప్రభుత్వం, విద్యుత్ ఆదా కోసం కఠిన నిబంధనలను అమలు చేస్తోంది. షాపింగ్ మాల్స్, మార్కెట్లు, రిటైల్ దుకాణాలను రాత్రి 8 గంటల కల్లా మూసివేయాలని ఆదేశించింది. గతంలో రాత్రి 9 గంటల వరకు అనుమతి ఉండగా, ఇప్పుడు ఒక గంట తగ్గించారు. ప్రభుత్వ కార్యాలయాల్లో ఏసీ ఉష్ణోగ్రతను 25°C లేదా అంతకంటే ఎక్కువగా ఉంచాలని, డెకరేషన్  లైట్లు, బిల్ బోర్డులను పరిమితంగా వాడుకోవాలని ఆదేశించారు. ఈ చర్యలు కొంతవరకు విద్యుత్ వినియోగాన్ని తగ్గించినా, సమస్య తీవ్రత ఎక్కువగా ఉంది. పరిశ్రమలు, వ్యాపార సంస్థలు తీవ్రంగా నష్టపోతున్నాయి, ఉత్పత్తి తగ్గడం వల్ల ఆర్థిక వ్యవస్థపై ప్రతికూల ప్రభావం పడుతోంది. ముఖ్యంగా వస్త్ర, రెడీమేడ్ గార్మెంట్స్ రంగాలలో ఉత్పత్తి కూడా  పడిపోయిందని నివేదికలు చెబుతున్నాయి. ఇంధన కొరతను తీర్చడానికి బంగ్లాదేశ్ ప్రభుత్వం పొరుగున ఉన్న భారత్ సహాయాన్ని కోరింది. ముఖ్యంగా, డీజిల్ సరఫరా కోసం భారత్‌ను సంప్రదించింది. సుదీర్ఘ విద్యుత్ కోతలు సాధారణ ప్రజల దైనందిన జీవితాన్ని అస్తవ్యస్తం చేస్తున్నాయి. తాగునీటి సరఫరా, ఆసుపత్రుల సేవలు, విద్యాసంస్థల పనితీరుపై కూడా ఈ ప్రభావం కనిపిస్తోంది. చిన్న పరిశ్రమలు, వ్యాపారాలపై ఈ ఎఫెక్ట్ తీవ్రంగా పడుతోంది. గ్రామీణ ప్రాంతాల్లో ప్రజల ఆగ్రహం పెరిగి, కొన్ని చోట్ల విద్యుత్ కార్యాలయాలపై దాడులు జరగకుండా భద్రత పెంచాలని అధికారులు పోలీసులను కోరారు. ప్రభుత్వం ఇప్పుడు పునరుత్పాదక ఇంధన వనరుల వైపు దృష్టి సారిస్తోంది.