మనం హెల్తీగా ఉండేందుకు టైంకి తినడం, సరిపడ నీరు తాగడం ఎంత అవసరమో కంటి నిండా నిద్ర పోవడం కూడా అంతే అవసరం. సోషల్ మీడియా హవా నడుస్తున్న ఈరోజుల్లో ఫోన్ వాడకం పెరగడం వల్ల చాలామంది నిద్ర సమస్యలతో బాధపడుతున్నారు. ఈ సమస్యను అధిగమించేందుకు ఎన్నో ప్రయత్నాలు చేసి ఉంటారు. మెడిసిన్ పరంగా, ఫుడ్ హ్యాబిట్స్ పరంగా, ప్రాణాయామ, వ్యాయామ పద్ధతులను ఫాలో అయి ఉంటారు. టెంపరరీగా రిజల్ట్ ఉన్నా.. లాంగ్ రన్ లో ఎఫెక్ట్ పెద్దగా ఉండదు. కాబట్టి ఈ 4-7-8 శ్వాస పద్ధతిని అలవాటు చేసుకుంటే.. మంచి నిద్ర ఉంటుందని ఆరోగ్య నిపుణులు అంటున్నారు. అదేంటో చూద్దామా..
4-7-8 శ్వాస ప్రక్రియ అంటే.. ధ్యానం, ప్రాణాయామం, విజువలైజేషన్ను కలిపి చేసే బ్రీతింగ్ మెథడ్స్ అనేవి మీరు వేగంగా నిద్ర పోవడానికి హెల్ప్ చేస్తాయి. అలానే 4-7-8 శ్వాస టెక్నిక్ ముందుగా మెదడు, మనసును రిలాక్స్ చేస్తాయి. ఆందోళనను తగ్గించి త్వరగా నిద్రలోకి జారుకునేలా చేస్తుంది. ఈ పద్ధతిలో ముక్కు ద్వారా ముందుగా 4 సెకన్లపాటు గాలి పీల్చి, 7 సెకన్ల పాటు శ్వాసను బిగపట్టి ఉంచాలి. చివరగా 8 సెకన్ల పాటు నోటి ద్వారా గాలిని వదలాల్సి ఉంటుంది.
- ఇందుకోసం కంఫర్ట్ బుల్ గా కూర్చోవడం లేదా పడుకోవడం చేయాలి.
- మీ ముక్కు ద్వారా నాలుగు అంకెలు లెక్కించేవరకూ నిశ్శబ్దంగా గాలిని పీల్చుకోండి.
- ఏడు లెక్క పెట్టేంతవరకూ శ్వాసను బిగపట్టుకుని ఉంచండి.
- ఎనిమిది అంకెలు మనసులో లెక్కించుకుంటూ నోటి ద్వారా గాలిని పూర్తిగా వదలండి.
- ఇలా ఈ సైకిల్ ను కనీసం నాలుగుసార్లు రిపీట్ మోడ్ లో చేయాలి.
ఈ టెక్నిక్ వల్ల నాడీ వ్యవస్థ ఆక్టివ్ అండ్ కూల్ అవుతుంది. మనసులో ఆందోళన భావాలను తగ్గిస్తుంది. దీనివల్ల నిద్రలేమి సమస్య నుంచి త్వరగా బయటపడవచ్చు. ఈ టెక్నిక్ని పాటించడం వల్ల త్వరగా నిద్ర పడుతుంది.