రిషబ్ పంత్ 100 సిక్సర్లతో టెస్టు క్రికెట్ లో ఒక అరుదైన ఘనత అందుకున్నాడు. భారత క్రికెట్ నుండి ఈ ఫీట్ సాధించిన మొదటి ఆటగాడిగా నిలిచాడు. శ్రీలంకతో జరుగుతున్న మొదటి టెస్టు రెండో ఇన్నింగ్స్ లో పంత్ ఈ ఫీట్ సాధించాడు. భారత క్రికెట్ చరిత్రలో రిషబ్ పంత్ తనకంటూ ఒక ప్రత్యేక స్థానాన్ని ఏర్పరుచుకున్నాడు. ముఖ్యంగా, టెస్ట్ క్రికెట్లో అతని దూకుడైన ఆటతీరు అందరినీ ఆశ్చర్యపరుస్తోంది. తాజాగా, రిషబ్ పంత్ టెస్ట్ క్రికెట్లో 100 సిక్సర్లు కొట్టిన మొదటి భారతీయ ఆటగాడిగా నిలిచాడు. ఈ అరుదైన ఘనతను శ్రీలంకతో జరిగిన మొదటి టెస్ట్ మ్యాచ్ రెండవ ఇన్నింగ్స్లో పంత్ సాధించాడు. గాలే ఇంటర్నేషనల్ స్టేడియంలో శ్రీలంకతో జరిగిన మొదటి టెస్ట్ మ్యాచ్ నాలుగో రోజు, రెండో ఇన్నింగ్స్లో లహిరు కుమార బౌలింగ్లో సిక్సర్ కొట్టి పంత్ ఈ మైలురాయిని చేరుకున్నాడు. ఈ ఘనత సాధించిన నాలుగో ప్రపంచ ఆటగాడిగా పంత్ నిలిచాడు, అంతకుముందు బెన్ స్టోక్స్, బ్రెండన్ మెక్కలమ్, ఆడమ్ గిల్క్రిస్ట్ ఈ క్లబ్లో ఉన్నారు. అతని ఈ ఫీట్ భారత క్రికెట్ అభిమానులను ఎంతగానో ఆకట్టుకుంది. టెస్ట్ క్రికెట్లో సిక్సర్లు కొట్టడం అనేది ఒక ప్రత్యేకమైన నైపుణ్యం. సంప్రదాయ టెస్ట్ క్రికెట్కు భిన్నంగా, పంత్ తనదైన శైలిలో దూకుడుగా ఆడుతూ జట్టుకు కీలకమైన పరుగులు అందిస్తున్నాడు. ఈ రికార్డుతో అతను కేవలం భారత క్రికెట్లో మాత్రమే కాకుండా, ప్రపంచ క్రికెట్లో కూడా తన ముద్ర వేశాడు.
ప్రస్తుతం బెన్ స్టోక్స్ 138 సిక్సర్లతో టెస్ట్ క్రికెట్లో అత్యధిక సిక్సర్లు కొట్టిన ఆటగాడిగా ఉన్నాడు, ఆ తర్వాత బ్రెండన్ మెక్కలమ్ 107 సిక్సర్లతో రెండో స్థానంలో ఉన్నాడు. ఆ తర్వాత గిల్ క్రిస్ట్ 100 సిక్సర్లతో నిలిచాడు. ఇక పంత్ బ్యాటింగ్ స్టైల్ అనేది చాలా ప్రత్యేకమైనది. పంత్ ఆరంభం నుంచే బౌలర్లపై ఒత్తిడి తెచ్చే ప్రయత్నం చేస్తాడు. అతని ఈ ధోరణి వల్ల చాలా సార్లు జట్టుకు కీలకమైన సమయాల్లో వేగంగా పరుగులు వచ్చాయి. బౌలర్లపై ఆధిపత్యం కనబరుస్తూ పంత్ తన బ్యాటింగ్ తో మార్చేస్తాడు. ఇప్పుడు, ఈ సిక్సర్ల రికార్డు అతని కెరీర్లో మరో మైలురాయి. భారత జట్టుకు పంత్ ఒక మ్యాచ్ విన్నర్. ఆస్ట్రేలియా గడ్డపై గబ్బా టెస్ట్లో అతని ఇన్నింగ్స్ భారత జట్టుకు చారిత్రాత్మక విజయాన్ని అందించిన సంగతి సగటు టెస్టు క్రికెట్ అభిమానికి చిరస్మరణీయ జ్ఞాపకం. అటువంటి కీలకమైన మ్యాచ్లలో అతను ఒత్తిడిని తట్టుకొని ఎలా రాణించాడో మనం చూశాం. అతని ఈ రికార్డు అతని అద్భుతమైన ప్రదర్శనకు నిదర్శనమని కొనియాడుతున్నారు.