రణ్ వీర్ సింగ్ హీరోగా తెరకెక్కిన యాక్షన్ థ్రిల్లర్ ‘ధురంధర్’ సినిమా ఎంతటి సంచలన విజయాన్ని నమోదు చేసిందో తెలిసిందే. ఆదిత్యధర్ దర్శకత్వం వహించిన ఈ మూవీలో సారా అర్జున్ కథానాయిక. మాధవన్, సంజయ్ దత్, అర్జున్ రాంపాల్ తదితరులు ఇతర ముఖ్య పాత్రల్లో కనిపించారు. తాజాగా ఈ మూవీకి సీక్వెల్ గా రానున్న ‘ధురంధర్-2’ ట్రైలర్ విడుదలైంది. ఇప్పటికే చిత్రీకరణ పూర్తి చేసుకున్న ఈ మూవీ మార్చి 19న విడుదల కానుంది. ఈ సందర్భంగా తాజాగా విడుదల చేసిన ట్రైలర్ సినిమాపై అంచనాలను పెంచింది.’ధురంధర్ 2: ది రివెంజ్’. (Dhurandhar the revenge)గా ప్రేక్షకులను అలరించేందుకు సిద్ధమైంది. ‘ధురంధర్: పార్ట్1’తో పోలిస్తే రెండో భాగంలో యాక్షన్ తో పాటు మొదటి భాగంలోని అనేక ప్రశ్నలకు సమాధానం దొరకనుంది. ఈ సినిమా విడుదల కోసం ప్రేక్షకులు ఆసక్తిగా ఎదురుచూస్తున్నారంటే దీనికున్న క్రేజ్ ను అర్ధం చేసుకోవచ్చు. హిందీతో పాటు, ఇతర సౌతిండియా లాంగ్వేజెస్ లో ఈ సినిమాను తీసుకొస్తున్నారు. పెయిడ్ ప్రీమియర్స్ వరకు హిందీలోనే బుకింగ్స్ ఓపెన్ అయ్యాయి. హైదరాబాద్ లోని వివిధ మల్టీప్లెక్స్ లలో ఇప్పటికే టికెట్స్ అందుబాటులోకి వచ్చాయి. ఇక మొదటి భాగం దేశవ్యాప్తంగా సంచలన విజయం సాధించడంతో పాటు విమర్శకుల ప్రశంసలు కూడా పొందింది.
