భారత్-ఈయూ స్వేచ్ఛా వాణిజ్య ఒప్పందంపై ప్రధాని నరేంద్రమోడీ తన స్పందనను తెలియజేశారు. నేటి రోజు మన ఉమ్మడి చరిత్రలో ఎప్పటికీ గుర్తుండిపోయేలా, చెరగని ముద్ర వేయనుంది.యూరోపియన్ కౌన్సిల్ ప్రెసిడెంట్ ఆంటోనియో కోస్టా, యూరోపియన్ కమిషన్ ప్రెసిడెంట్ ఉర్సులా వాన్ డెర్ లేయన్ మరియు నేను కలిసి చారిత్రాత్మకమైన భారత్-ఈయూ స్వేచ్ఛా వాణిజ్య ఒప్పందం (India-EU FTA) ముగింపును ప్రకటించడం మాకు ఎంతో సంతోషంగా ఉందని తెలిపారు. ఇరు వర్గాల సంబంధాలలో ఇదొక మైలురాయి. మన ఆర్థిక సంబంధాలను బలోపేతం చేస్తుంది.మన యువతకు ఉపాధి అవకాశాలను కల్పిస్తుంది.మన వ్యాపారాలకు కొత్త అవకాశాలను అందిస్తుంది.ఉమ్మడి శ్రేయస్సును పెంపొందిస్తుంది.బలమైన అంతర్జాతీయ సరఫరా గొలుసులను (Supply chains) నిర్మిస్తుంది.ప్రపంచంలోని 2వ అతిపెద్ద మరియు 4వ అతిపెద్ద ఆర్థిక వ్యవస్థల మధ్య జరిగిన ఈ ప్రతిష్టాత్మక ఒప్పందం, మునుపెన్నడూ లేని అవకాశాలను కల్పించడంతో పాటు వృద్ధి మరియు సహకారానికి కొత్త మార్గాలను తెరుస్తుందని భరోసా ఇస్తోంది. ఈ ఒప్పందం వల్ల మొత్తం ప్రపంచ సమాజానికి ప్రయోజనం చేకూరుతుందని పేర్కొన్నారు. ఇది కీలక రంగాలలో నాణ్యమైన ఉద్యోగాల సృష్టికి తోడ్పడుతుంది, మన యువత, నిపుణులు, విద్యార్థులు మరియు పరిశోధకులకు మరింత మొబిలిటీ కల్పిస్తుంది మరియు డిజిటల్ యుగం యొక్క సామర్థ్యాన్ని పెంపొందిస్తుంది. ముఖ్యంగా, ఇది ఆవిష్కరణలను ప్రోత్సహిస్తుంది మరియు పరస్పర వృద్ధి కోసం ఆర్థిక సంబంధాలను బలోపేతం చేస్తుంది. భారతదేశం మరియు ఈయూ కలిసి విశ్వాసం మరియు ఆశయాలతో సుసంపన్నమైన, స్థిరమైన భవిష్యత్తు దిశగా అడుగులు వేస్తున్నాయని పేర్కొన్నారు.యూరోపియన్ యూనియన్ తో జరిగిన ఈ చారిత్రాత్మక ఒప్పందం, భారత చరిత్రలోనే అతిపెద్ద స్వేచ్ఛా వాణిజ్య ఒప్పందం. దీనివల్ల 140 కోట్ల మంది భారతీయ ప్రజలకు గణనీయమైన ప్రయోజనాలు కలుగుతాయన్నారు. మన రైతులు మరియు చిన్న పరిశ్రమలకు యూరప్ మార్కెట్లకు చేరువయ్యే మార్గం సులభతరం అవుతుంది.మ్యానుఫ్యాక్చరింగ్ సెక్టార్ లో కొత్త అవకాశాలు లభిస్తాయి. మన సేవా రంగాల (మధ్య సహకారం మరింత బలోపేతం అవుతుందని పేర్కొన్నారు.
