టీ 20 వరల్డ్ కప్ లో పసికూన నమీబియాపై డిఫెండింగ్ ఛాంపియన్ భారత్ 93 పరుగుల తేడాతో ఘన విజయం సాధించింది. టాస్ గెలిచిన నమీబియా బౌలింగ్ ఎంచుకుంది. దీంతో మొదట బ్యాటింగ్ చేసిన భారత్ నిర్ణీత 20 ఓవర్లలో 9 వికెట్ల నష్టానికి 209 పరుగులు చేసింది. ఇషాన్ కిషన్ 61 (24;6×4, 5×6) విధ్వంసక బ్యాటింగ్ తో చెలరేగాడు. హార్దిక్ పాండ్య 52(28; 4×4, 4×6) కూడా హాఫ్ సెంచరీతో రాణించాడు. తిలక్ వర్మ (25), శివమ్ దూబే (23), సంజూ శాంసన్ (22) పరుగులు చేశారు. నమీబియా బౌలర్లలో గెర్హార్డ్ ఎరాస్మస్ 4 వికెట్లతో ఆకట్టుకున్నాడు. ఇక లక్ష్య ఛేదనలో నమీబియా భారత బౌలర్ల ధాటికి 18.2 ఓవర్లలో 116 పరుగులకే ఆలౌటైంది.వరుణ్ చక్రవర్తి 3 వికెట్లు పడగొట్టాడు. హార్దిక్ పాండ్య, అక్షర్ పటేల్ 2 వికెట్లు, బుమ్రా, శివమ్ దూబే, అర్ష్ దీప్ సింగ్ ఒక్కో వికెట్ చొప్పున తీశారు. ఈ మ్యాచ్ విజయంతో భారత్ ఆడిన 2 మ్యాచ్ లలోనూ విజయాలు నమోదు చేసింది. మొదటి మ్యాచ్ లో యూ.ఎస్.ఏ పై గెలిచిన సంగతి తెలిసిందే.
