తెలంగాణ కాంగ్రెస్ ప్రభుత్వం తీసుకువస్తున్న ‘తెలంగాణ హేట్ స్పీచ్ అండ్ హేట్ క్రైమ్స్ (ప్రివెన్షన్) బిల్లు’ 2026 భావప్రకటనా స్వేచ్ఛను అణచివేసే ఒక క్రూరమైన సాధనమని బీ.ఆర్.ఎస్.వర్కింగ్ ప్రెసిడెంట్, మాజీ మంత్రి కే.టీ.ఆర్ అన్నారు. నిజమైన ద్వేషపూరిత ప్రసంగాలను నిరోధించడం మరియు సామాజిక సామరస్యాన్ని కాపాడటం ఏ ప్రభుత్వానికైనా ముఖ్యమైన బాధ్యత అయినప్పటికీ, ప్రస్తుత బిల్లు యొక్క ముసాయిదా ప్రమాదకరంగా, అస్పష్టంగా మరియు దుర్వినియోగానికి అవకాశం ఇచ్చేలా ఉందని ఆయన సోషల్ మీడియా ‘ఎక్స్’ లో పోస్ట్ చేశారు. శాంతిభద్రతలను రక్షించడానికి బదులుగా, ఈ బిల్లు ప్రతిపక్ష నాయకులు, విమర్శకులు, పాత్రికేయులు, సోషల్ మీడియా కార్యకర్తలు మరియు అసమ్మతిని వ్యక్తం చేసే సామాన్య పౌరులను లక్ష్యంగా చేసుకునే ఒక సాధనంగా మారే ప్రమాదం ఉందన్న అనుమానాన్ని వ్యక్తం చేశారు. ద్వేషపూరిత ప్రసంగాలు, హింసకు ప్రేరేపించడం, పరువు నష్టం మరియు బహిరంగ అల్లర్లకు సంబంధించి మన దేశంలో ఇప్పటికే తగిన చట్టపరమైన నిబంధనలు ఉన్నాయి. ఉన్న చట్టాల అమలును బలోపేతం చేయడానికి బదులుగా, తెలంగాణ కాంగ్రెస్ ప్రభుత్వం ఎగ్జిక్యూటివ్ (కార్యనిర్వాహక వర్గం) అధికారాలను పెంచుతూ, ఎటువంటి రక్షణ కవచాలు లేని ఒక సమాంతర వ్యవస్థను ప్రవేశపెడుతోందని విమర్శించారు. రాష్ట్ర ప్రభుత్వం వెంటనే ఈ బిల్లును ఉపసంహరించుకోవాలని నేను డిమాండ్ చేస్తున్నాను.
