అన్నీ లాక్కున్నారు…డైరెక్టర్ పూరి జగన్నాథ్ను వెన్నుపోటు పొడిచింది ఎవరో తెలుసా.. ?
టాలీవుడ్‌లో ఆయనొక బ్రాండ్. ఆయన రాసే ప్రతి డైలాగ్‌లో ఒక పొగరు ఉంటుంది.. తీసే ప్రతి సినిమాలో ఒక ఫైర్ ఉంటుంది. హీరో క్యారెక్టరైజేషన్‌ను టాలీవుడ్‌కి కొత్తగా పరిచయం చేసిన డేరింగ్ అండ్ డాషింగ్ డైరెక్టర్ పూరీ జగన్నాథ్. పోకిరి, ఇడియట్, దేశముదురు, బిజినెస్‌మెన్ లాంటి బ్లాక్ బస్టర్ హిట్లతో ఇండస్ట్రీని షేక్ చేసి, వందల కోట్లు సంపాదించిన ఈ స్టార్ డైరెక్టర్ జీవితంలో ఎవరికీ తెలియని ఒక పెద్ద విషాదం ఉంది. సినిమా ఇండస్ట్రీలో సక్సెస్ వస్తే ఆకాశానికి ఎత్తేస్తారు, అదే ఫ్లాప్ వస్తే పాతాళానికి తొక్కేస్తారు అని పూరీ జగన్నాథ్ ఎప్పుడూ చెబుతుంటారు. అయితే ఆయన ఫ్లాప్‌ల వల్ల కాకుండా, తాను ప్రాణంగా నమ్మిన ఒకే ఒక్క వ్యక్తి చేసిన వెన్నుపోటు వల్ల ఏకంగా 100 కోట్లు పోగొట్టుకుని రోడ్డున పడే పరిస్థితికి వచ్చారు. అయినా తన ఆత్మవిశ్వాసంతో వాటన్నింటినీ అధిగమించారు.
పూరీ జగన్నాథ్ కెరీర్ గ్రాఫ్ చూసుకుంటే ఒకప్పుడు ఆయన తీసినవన్నీ సూపర్ హిట్లే. రవితేజ, మహేష్ బాబు, పవన్ కళ్యాణ్, అల్లు అర్జున్.. ఇలా స్టార్ హీరోలందరితో పని చేశారు. ఒకానొక దశలో పూరీ సినిమా అంటే మినిమం గ్యారెంటీ. నిర్మాతలకు కాసుల వర్షమే. అలా తన ప్రతిభతో పూరీ జగన్నాథ్ కూడా ఎంతో డబ్బు, ఆస్తులు సంపాదించారు. హైదరాబాద్‌లోని జూబ్లీహిల్స్‌లో భారీ బంగ్లా, కేవ్ పేరుతో అత్యంత విలాసవంతమైన ఆఫీస్ అప్పట్లో హాట్ టాపిక్. కానీ, ఎంత టాలెంట్ ఉన్నా పూరీకి ఒక వీక్‌నెస్ ఉండేది.. అదే స్నేహం. తన చుట్టూ ఉన్నవాళ్ళను ప్రాణంగా నమ్మేవాడు. ఆర్థిక విషయాలు, ఆస్తుల వ్యవహారాలు, అకౌంట్స్ అన్నీ చూసుకోవడానికి తన అత్యంత సన్నిహితుడైన ఒక వ్యక్తి చేతిలో పెట్టాడు. సినిమాల హడావుడిలో పడి కనీసం తన అకౌంట్‌లో ఎంత డబ్బు ఉంది? ఏ ఆస్తి ఎవరి పేరు మీద ఉంది? అని కూడా పూరీ చెక్ చేసుకోలేనంతగా ఆ వ్యక్తిని నమ్మాడు. కళ్లు మూసుకుని బ్లాంక్ చెక్కుల మీద, ప్రాపర్టీ డాక్యుమెంట్ల మీద సంతకాలు చేశాడు. అదే ఆయన జీవితంలో చేసిన అతిపెద్ద తప్పు.
రోజులు గడుస్తున్నాయి.. కొన్ని సినిమాలు ఫ్లాప్ అవ్వడం మొదలైంది. మార్కెట్ తగ్గింది. సరిగ్గా అదే సమయంలో పూరీ జగన్నాథ్‌కు అసలు నిజం తెలిసింది. తాను దేవుడిలా నమ్మిన ఆ మిత్రుడు, పూరీ కష్టపడి సంపాదించిన డబ్బునంతా తన సొంత అకౌంట్లలోకి మళ్లించుకున్నాడు. నకిలీ పెట్టుబడులు, తప్పుడు లెక్కలు చూపించి ఏకంగా 100 కోట్ల రూపాయలను స్వాహా చేశాడు.
పూరీ సంతకాలు చేసిన బ్లాంక్ డాక్యుమెంట్లను వాడుకుని, ఆయన ఆస్తులను కూడా తన పేరు మీదకు , బినామీల పేరు మీదకు మార్చేసుకున్నాడు ఆ నమ్మక ద్రోహి. విషయం అర్థమై పూరీ నిలదీసేసరికి, ఆ వ్యక్తి మొహం చాటేశాడు. చుట్టూ ఉన్నవాళ్లంతా పూరీని వదిలేసి వెళ్లిపోయారు. ఒకప్పుడు పూరీ ఆఫీసులో వందల మంది ఉండేవారు, కానీ ఆయన దగ్గర డబ్బు లేదని తెలియగానే అందరూ కనుమరుగయ్యారు. ఏకంగా 100 కోట్లు పోగొట్టుకోవడం అంటే మాటలు కాదు. ఆ టైమ్‌లో ఎవరైనా సరే గుండె ఆగిపోయి డిప్రెషన్‌లోకి వెళ్లిపోతారు. కానీ పూరీ జగన్నాథ్ అలా చేయలేదు. ఆ మోసం ఆయనకు జీవితం అంటే ఏంటో, మనుషుల నైజం ఏంటో ప్రాక్టికల్‌గా నేర్పించింది.
ఈ దెబ్బతో పూరీ జగన్నాథ్ మనుషులను నమ్మడం మానేశారు. తనకు జరిగిన ఈ చేదు అనుభవాన్ని, తను నేర్చుకున్న జీవిత సత్యాలను పూరీ మ్యూసింగ్స్ అనే పాడ్‌కాస్ట్ ద్వారా ప్రపంచంతో పంచుకోవడం మొదలుపెట్టారు. ఎవరినీ గుడ్డిగా నమ్మకండి.. సొంతవాళ్లే మనల్ని ముంచుతారు. డబ్బున్నప్పుడే అందరూ మన వెనుక ఉంటారు, జేబులో పైసా లేనప్పుడు మన నీడ కూడా మనతో ఉండదు అంటూ పూరీ చెప్పిన మాటలు యూత్‌కి బాగా కనెక్ట్ అయ్యాయి. 100 కోట్లు పోగొట్టుకున్నా ఆయన ఎక్కడా ఏడవలేదు, ఎవరిపైనా పబ్లిక్‌గా బురద చల్లలేదు. సైలెంట్‌గా తన పని తాను చేసుకుంటూ పోయాడు. మళ్లీ ఇస్మార్ట్ శంకర్ లాంటి బ్లాక్ బస్టర్ కొట్టి తానేంటో నిరూపించుకున్నాడు. ఆ తర్వాత కొన్ని అప్స్ అండ్ డౌన్స్ వచ్చినా, ఇప్పుడు మళ్లీ తనను తాను కొత్తగా ఆవిష్కరించుకునే పనిలో పడ్డారు ఈ సీనియర్ డైరెక్టర్.
