సారథిగా, బ్యాటర్‌గా సూపర్.. ఐసీసీ అవార్డు దక్కించుకున్న శుభ్‌మన్ గిల్!
సెప్టెంబర్ నెలకు గానూ భారత వన్డే, టెస్టు క్రికెట్ జట్ల కెప్టెన్, స్టార్ బ్యాటర్ శుభ్ మాన్ గిల్ ‘ప్లేయర్ ఆఫ్ ది మంత్’ గా ఎంపికయ్యాడు. ఐదు సార్లు ఈ ఘనతను అందుకోవడం కూడా ఒక రికార్డ్.
మైదానంలో నిలకడైన ప్రదర్శనతో పాటు ప్రతిష్టాత్మక ఇన్నింగ్స్‌లతో అలరిస్తున్న గిల్, సెప్టెంబర్ నెలలో చూపిన అత్యుత్తమ బ్యాటింగ్ నైపుణ్యానికి గానూ ఈ గౌరవాన్ని దక్కించుకున్నాడు. ఈ పురస్కారం అతడి ఫామ్‌కు, శ్రమకు దక్కిన తగిన గుర్తింపుగా నిలిచింది. గత నెలలో వెస్టిండీస్‌తో జరిగిన వన్డే సిరీస్‌లో శుభ్‌మన్ గిల్ అసాధారణ ప్రదర్శనతో విరుచుకుపడ్డాడు. ప్రత్యర్థి బౌలర్లపై సంపూర్ణ ఆధిపత్యం చెలాయిస్తూ, ప్రపంచ రికార్డులను తిరగరాశాడు. అజేయంగా సాధించిన డబుల్ సెంచరీతో పాటు వరుస సెంచరీలతో మ్యాచ్‌లను ఏకపక్షంగా మార్చేసి క్రికెట్ అభిమానులను ఆకట్టుకున్నాడు.
వన్డే క్రికెట్ చరిత్రలోనే మునుపటి రికార్డులన్నింటినీ కనుమరుగు చేస్తూ, గిల్ సరికొత్త శకానికి నాంది పలికాడు. కేవలం 117 బంతుల్లోనే అత్యంత వేగవంతమైనడబుల్ సెంచరీ పూర్తి చేసి ప్రపంచ రికార్డు నమోదు చేశాడు. శరవేగంగా ప పరుగులు తీస్తూ ప్రత్యర్థి బౌలింగ్ అటాక్‌ను పూర్తిగా కుప్పకూల్చాడు.కేవలం డబుల్ సెంచరీనే కాకుండా మ్యాచ్‌ను గెలిపించే క్రమంలో గిల్ మరొక అరుదైన రికార్డును తన ఖాతాలో వేసుకున్నాడు. వన్డేల్లో ఒక విజయవంతమైన ఛేజింగ్‌లో ఒక బ్యాటర్ సాధించిన అత్యధిక వ్యక్తిగత స్కోరుగా ఈ ఇన్నింగ్స్ సరికొత్త ల్యాండ్ మార్క్ సెట్ చేసింది. సారథిగా జట్టును ముందండి నడిపిస్తూనే గిల్ బ్యాటింగ్‌లోనూ శిఖరాగ్రానికి చేరుకున్నాడు. అంతర్జాతీయ వన్డే చరిత్రలోనే ఒక కెప్టెన్ సాధించిన అత్యధిక వ్యక్తిగత స్కోరుగా ఈ విధ్వంసక ఇన్నింగ్స్ నిలిచింది. సారథ్య బాధ్యతలు అతడి బ్యాటింగ్ నిలకడను దెబ్బతీయకపోగా, మరింత బాధ్యతాయుతంగా ఆడేలా ప్రోత్సహించాయని ఈ మ్యాచ్ రుజువు చేసింది.
పరిమిత ఓవర్ల క్రికెట్‌లో ధనాధన్ ఇన్నింగ్స్‌లు ఆడుతున్నప్పటికీ, గిల్ తన క్లాస్ బ్యాటింగ్ శైలితో ఆకట్టుకోవడం విశేషం. టైమింగ్, సరైన షాట్ల ఎంపిక, మైదానం నలుమూలలా పరుగులు రాబట్టే క్రమశిక్షణతో కూడిన అతడి బ్యాటింగ్ అభిమానులకు, క్రికెట్ ప్రేమికులకు వినోదాన్ని అందించింది. సుదీర్ఘమైన టెస్టు ఫార్మాట్‌తో పాటు అత్యంత కీలకమైన వన్డేలలో కూడా జట్టును సమర్థవంతంగా నడిపిస్తున్న తీరు గిల్ పరిణతికి అద్దం పడుతోంది. క్లిష్ట పరిస్థితుల్లో సరైన నిర్ణయాలు తీసుకోవడం, బౌలర్లను వ్యూహాత్మకంగా ఉపయోగించడం ద్వారా కెప్టెన్‌గా తనదైన ప్రత్యేక ముద్రను వేస్తున్నాడు. త్వరలో రాబోతున్న ప్రతిష్టాత్మక వన్డే వరల్డ్ కప్ సమీపిస్తున్న తరుణంలో, గిల్ చూపుతున్న ఈ ఆల్ రౌండ్ ఫామ్ అభిమానుల్లో కొండంత నమ్మకాన్ని పెంచుతోంది. సారథిగా, ప్రధాన బ్యాటర్‌గా గిల్ జట్టును విజయవంతంగా నడిపించి కప్పును అందిస్తాడనే ధీమా భారత క్రికెట్ వర్గాల్లో వ్యక్తం అవుతోంది. జట్టులోని సీనియర్ ఆటగాళ్ల అనుభవాన్ని వాడుకుంటూనే, యువ క్రికెటర్లకు తగిన అవకాశాలు ఇస్తూ గిల్ ముందుకు సాగుతున్న తీరు అభినందనీయం. జట్టులో ఆరోగ్యకరమైన వాతావరణాన్ని సృష్టిస్తూ అందరినీ సమన్వయం చేసుకుపోతున్న అతడి డ్రెస్సింగ్ రూమ్ మేనేజ్‌మెంట్‌పై మాజీ ఆటగాళ్లు, క్రీడా విశ్లేషకుల నుంచి ప్రశంసల వర్షం కురుస్తోంది.
