వైవిధ్యమైన నటనతో విలక్షణ పాత్రలతో తమకంటూ ప్రత్యేకమైన గుర్తింపు సంపాదించుకున్న ఇద్దరు నటులు అల్లరి నరేష్ ఇంకా నారా రోహిత్. ప్రస్తుతానికి ఇద్దరు కెరీర్ లో మంచి స్టేజి లో ఉన్నారు… రోహిత్ మొన్నే ఒక భారీ మల్టీస్టారర్ సినిమా భైరవం లో కనిపించి మెప్పించాడు… ఇక నరేష్ కూడా మంచి సినిమాలు చేస్తూ, తన కంటూ ఒక మినిమం గ్యారెంటీ హీరో అని అనిపించుకుంటున్నాడు! అందుకే ఇప్పుడు వీరిద్దరూ కలిసి ఒక కొత్త మల్టీస్టారర్ చిత్రంలో నటించబోతున్నారనే వార్త సినీ పరిశ్రమలో ఆసక్తికర చర్చకు దారితీస్తోంది. ఈ చిత్రానికి దర్శకుడిగా వెంకటేష్ నిమ్మలపూడి పేరు వినిపిస్తుండగా, పూర్తి స్థాయి కామెడీతో పాటు ఎమోషన్ ని కూడా అదే లెవెల్ లో ఇంపార్టెన్స్ ఉండేలా కథ సిద్ధమవుతోందని సమాచారం. ఇటీవలి కాలంలో సరైన కమర్షియల్ విజయాన్ని ఎదురుచూస్తున్న ఈ ఇద్దరు హీరోలకు ఈ కాంబినేషన్ సినిమా కెరీర్లో కీలక మలుపుగా మారే అవకాశముందని సినీ వర్గాలు భావిస్తున్నాయి. ఈ నేపథ్యంలో అల్లరి నరేష్, రోహిత్ కలిసి నటించబోయే మల్టీస్టారర్ ప్రాజెక్ట్పై అంచనాలు పెరుగుతున్నాయి. దర్శకుడు వెంకటేష్ నిమ్మలపూడి ఇప్పటికే ఫ్యామిలీ ఎంటర్టైనర్ శైలిలో తన ముద్రను చూపిన నేపథ్యంలో, ఈసారి కామెడీ మరియు ఎమోషన్ల సమతుల్యతతో అన్ని వర్గాల ప్రేక్షకులను ఆకట్టుకునే కథను సిద్ధం చేస్తున్నారని సమాచారం. ప్రేక్షకులు కూడా ఈ కాంబినేషన్ అధికారికంగా అనౌన్స్ చేసే రోజు కోసం ఆసక్తిగా ఎదురుచూస్తున్నారు.
