సీనియర్ అగ్రకథానాయకుడు కింగ్ నాగార్జున ప్రస్తుతం తన కెరీర్లో అత్యంత ప్రతిష్ఠాత్మకమైన 100వ చిత్రంపై పూర్తిగా దృష్టి సారించిన విషయం తెలిసిందే. ఎన్నో హిట్ సినిమాలు, విభిన్న పాత్రలతో ప్రేక్షకులను అలరించిన నాగార్జునకు ఈ సినిమా చాలా ప్రత్యేకం.అభిమానులకు కూడా ఈ ప్రాజెక్ట్ పై భారీ అంచనాలున్నాయి. ఈ సినిమాను తమిళ దర్శకుడు Ra కార్తీక్ తెరకెక్కిస్తున్నారు. ఇప్పటికే షూటింగ్ వేగంగా జరుగుతోంది. ఈ సినిమాలో సీనియర్ హీరోయిన్ టబు కూడా భాగమైనట్లు ఆమె సోషల్ మీడియా వేదికగా తెలిపారు. నిర్మాణ సంస్థ ఆమెకు స్వాగతం పలుకుతూ ఆమె ఈ ప్రతిష్టాత్మక ప్రాజెక్టులో భాగంగా కావడం సంతోషకరమని తెలిపింది. నాగార్జున టబు ల జోడీకి కు హిట్ పెయిర్ గా మంచి పేరుంది. ‘సిసింద్రీ’, ‘నిన్నే పెళ్లాడతా’ తదితర చిత్రాల్లో నాగ్ సరసన అలరించిన ఆమె ఈ ప్రతిష్టాత్మక సినిమాలో కూడా భాగం కావడంతో అభిమానుల్లో ఆనందం వెల్లివిరిసింది. చాలా కాలం తర్వాత నాగార్జున – టబూ జంట మళ్లీ తెరపై కనిపించబోతున్నదన్న వార్త ఒక్కసారిగా హాట్ టాపిక్గా మారింది. ఇక ఈ సినిమా నిర్మాణం విషయానికి వస్తే, నాగార్జున తన సొంత బ్యానర్ అయిన అన్నపూర్ణ స్టూడియోస్ పై ఈ చిత్రాన్ని నిర్మిస్తున్నారు. తన కెరీర్లో మైలురాయిగా నిలిచే ఈ ప్రాజెక్ట్ ను స్వయంగా ప్రొడ్యూస్ చేయడం ఆయనకు ఈ సినిమాపై ఎంత నమ్మకం ఉందో చూపిస్తోంది. దేవి శ్రీ ప్రసాద్ సంగీతం సమకూరుస్తున్నారు. ఈ సినిమాను దసరా కానుకగా ప్రేక్షకుల ముందుకు తీసుకురావాలని ప్లాన్ చేస్తున్నట్లు సమాచారం. దసరా సీజన్లో పెద్ద సినిమాలు రిలీజ్ అవ్వడం మాములే. ఆ టైంలో మంచి ఫ్యామిలీ ఎంటర్టైనర్గా ఈ సినిమా నిలిచే అవకాశాలు ఉన్నాయని ట్రేడ్ వర్గాలు అంచనా వేస్తున్నాయి.
