హీరో శర్వానంద్ ప్రధాన పాత్రలో యూవీ క్రియేషన్స్ పతాకంపై రూపొందుతున్న స్పోర్ట్స్ యాక్షన్ డ్రామా ‘బైకర్’ . ఇందులో హీరోయిన్ గా మాళవిక నాయర్ నటిస్తున్నారు. ఈ సినిమాను యువ దర్శకుడు అభిలాష్ రెడ్డి తెరకెక్కిస్తున్నారు. ఈ సినిమా ట్రైలర్ తాజాగా విడుదలై సినీ అభిమానుల్లో మంచి ఆసక్తిని రేకెత్తించింది. ట్రైలర్ను చూస్తేనే ఈ సినిమా పూర్తిగా పెద్ద తెర కోసం రూపొందించబడిన విజువల్ గ్రాండ్ ఎక్స్పీరియెన్స్ అని స్పష్టంగా తెలుస్తోంది. ముఖ్యంగా బైక్ రేసింగ్ సన్నివేశాలు, హై స్పీడ్ యాక్షన్ షాట్స్, గ్రాండ్ విజువల్స్ అన్ని కలిసి ఈ చిత్రాన్ని ఒక పెద్ద థియేటర్ ఎంటర్టైనర్గా నిలబెట్టేలా కనిపిస్తున్నాయి. దర్శకుడు ఈ సినిమాను చాలా స్టైలిష్గా తెరకెక్కించినట్లు ట్రైలర్ లోనే అర్థమవుతోంది. ఇక ఈ సినిమాలో శర్వానంద్ విక్కీ అనే ప్రొఫెషనల్ బైక్ రేసర్ పాత్రలో కనిపిస్తున్నారు. వేగం అంటే ప్రాణం పెట్టే యువకుడిగా ఆయన పాత్ర కనిపించింది. అలాగే విక్కీ జీవితం మొత్తం బైక్ రేసింగ్ చుట్టూనే తిరుగుతూ ఉంటుంది. వేగం, క్రమశిక్షణ, విజయం సాధించాలనే పట్టుదల ఇవన్నీ అతని వ్యక్తిత్వాన్ని నిర్మించే ముఖ్యమైన లక్షణాలుగా ట్రైలర్లో చూపించారు. సినిమాలో శర్వానంద్ తండ్రి పాత్రలో సీనియర్ నటుడు రాజశేఖర్ కనిపిస్తున్నారు. ఆయన పాత్ర చాలా గంభీరంగా, కఠినంగా ఉండే వ్యక్తిగా కనిపిస్తుంది. బైక్ రేసర్గా కనిపించేందుకు ఆయన చేసిన ట్రాన్స్ఫర్మేషన్ కూడా ప్రత్యేకంగా కనిపిస్తోంది. ఆయన లుక్, బాడీ లాంగ్వేజ్, యాక్షన్ సీన్స్ అన్ని కలిసి ఈ పాత్రను చాలా సహజంగా చూపిస్తున్నాయి. ముఖ్యంగా రేసింగ్ సన్నివేశాల్లో ఆయన చూపించిన ఎనర్జీ ప్రేక్షకులను ఆకట్టుకునేలా ఉంది. వేగంగా దూసుకెళ్లే బైక్ సన్నివేశాలు, స్టంట్స్ అన్ని కలిసి ఈ సినిమా యాక్షన్ లవర్స్కు ఒక మంచి ట్రీట్గా ఉండబోతున్నాయని అనిపిస్తోంది.
