ఇప్పుడు టాలీవుడ్లో ఎక్కడ చూసినా ‘ఇరుముడి’ సినిమా గురించే చర్చ! ఆగస్టు 21న విడుదలైన ఈ చిత్రం, ప్రేక్షకుల హృదయాలను కొల్లగొట్టి బాక్సాఫీస్ వద్ద భారీ విజయాన్ని నమోదు చేసుకుంది. కేవలం ఆరు రోజుల్లోనే భారీ వసూళ్లను రాబట్టి, ట్రేడ్ పండితులను సైతం ఆశ్చర్యపరిచింది. మాస్ మహారాజా రవితేజ, ప్రియా భవానీ శంకర్ ప్రధాన పాత్రల్లో నటించిన ఈ సినిమాకు దర్శకుడు శివ నిర్వాణ అద్భుతమైన కథనంతో ప్రాణం పోశారు.‘ఇరుముడి’ సినిమా ఏ రేంజ్ లో ప్రేక్షకాదరణ పొందుతూ దూసుకుపోతోందో ప్రత్యేకించి చెప్పాల్సిన పని లేదు. ఈ మధ్యకాలంలో అంత భారీ స్థాయిలో ప్రేక్షకాదరణ పొందిన సినిమాగా నిలుస్తోంది. అన్ని వర్గాల నుండి ప్రసంశలు కురుస్తున్నాయి. తాజాగా మెగాస్టార్ చిరంజీవి ఈ సినిమాపై కురిపించి సినిమా టీమ్ కు అభినందనలు తెలిపారు. నా ప్రియమైన సోదరుడు రవికి ‘ఇరుముడి’ సినిమా బ్లాక్బస్టర్ విజయం సాధించినందుకు హృదయపూర్వక శుభాకాంక్షలు. సినిమాను మొదటి నుండి చివరి వరకు పూర్తిగా ఆస్వాదించాను. రవితేజ నటన అద్భుతం. త్రినాథ్ పాత్రను భుజాలపై వేసుకుని నడిపించారు. దర్శకుడు శివ నిర్వాణ ఈ చిత్రాన్ని ఎంతో లోతుగా, భావోద్వేగంతో తెరకెక్కించి చాలా మంచి పని చేశారు.బేబీ నక్షత్ర భవిష్యత్తు చాలా ఉజ్వలంగా ఉండాలని ఆశీస్సులు. ఈ అర్హత కలిగిన విజయాన్ని అందుకున్న నటీనటులు, సాంకేతిక నిపుణులు మరియు నిర్మాతలు నవీన్ యెర్నేని, రవి శంకర్ లకు అభినందనలు తెలిపారు. ఒక సినిమా విజయం పరిశ్రమలోని అందరికీ పండుగే.ఈ పరిశ్రమ అందరిదీ… ఏ కొందరిదో కాదు.మనం బతకాలి… ఇతరులనూ బతికించాలి అంటూ చిరు తన పోస్ట్ లో పేర్కొన్నారు. చిరంజీవి పోస్ట్ కు రవితేజ సహా చిత్ర బృందం ధన్యవాదాలు తెలిపింది. అన్నయ్య థ్యాంక్యూ అంటూ రవితేజ బదులిచ్చారు. ‘ఇరుముడి’ విజయం తెలుగు సినిమా మార్కెట్పై కూడా సానుకూల ప్రభావం చూపుతోంది. ఈ మధ్యకాలంలో పెద్ద బడ్జెట్ సినిమాలు ఆశించిన స్థాయిలో ఆడకపోవడంతో, ‘ఇరుముడి’ విజయం ఒక కొత్త ఆశను రేకెత్తించింది. ఈ సినిమాతో, సగటు బడ్జెట్తో మంచి కథతో తీసిన సినిమాలు కూడా భారీ విజయాన్ని అందుకోగలవని నిరూపించబడింది. ప్రేక్షకులు కంటెంట్కు ఎంత ప్రాధాన్యత ఇస్తున్నారో ఈ సినిమా మరోసారి చాటి చెప్పింది. ‘ఇరుముడి’ ఈ సంవత్సరం అత్యధిక ఫుట్ఫాల్స్ సాధించిన తెలుగు చిత్రాలలో ఒకటిగా నిలిచింది, ఇది కంటెంట్ బలాన్ని స్పష్టంగా సూచిస్తుంది.
