Trump Tariff on Russia Oil: రష్యా నుంచి చమురు దిగుమతులపై ట్రంప్ ప్రభుత్వం భారత్పై ఆంక్షల హెచ్చరికలు జారీ చేస్తోంది. అయితే, భారత్ ఈ ఒత్తిడిని తీవ్రంగా వ్యతిరేకిస్తూ, అమెరికా, యూరోపియన్ దేశాలు కూడా రష్యా నుంచి భారీగా దిగుమతులు చేస్తున్నాయని ఆరోపిస్తోంది. రష్యా నుంచి చమురు కొనుగోలు చేస్తున్న భారత్ పై నిందలు వేస్తున్న ట్రంప్.. తమ దిగుమతులలపై ఎందుకు మాట్లాడటం లేదు..? అసలు రష్యా నుంచి ఏఏ దేశాలు ఎక్కువ దిగుమతులు చేసుకుంటున్నాయి? అమెరికా, యూరప్ రష్యా నుంచి ఏం దిగుమతి చేసుకుంటున్నాయి..? అమెరికా దిగుమతులపై ట్రంప్ కు అసలు ఏమీ తెలియదా..?
ట్రంప్ ప్రభుత్వం రష్యా నుంచి చమురు దిగుమతులపై భారత్ను టార్గెట్ చేస్తూ రష్యా చమురు కొనుగోలు చేస్తే 25% సుంకాలు విధిస్తాం అని హెచ్చరించింది. రష్యా-ఉక్రెయిన్ యుద్ధంలో రష్యాకు ఆర్థికంగా బలం చేకూర్చే విధంగా భారత్ చౌక ధరలకు చమురు కొనుగోలు చేసి, లాభాలు ఆర్జిస్తోందని ట్రంప్ ఆరోపించారు. జూన్ నాటికి భారత్ మొత్తం చమురు దిగుమతుల్లో 38% రష్యా నుంచి వస్తోందని, ఇది ఉక్రెయిన్ తో యుద్ధానికి మద్దతు ఇవ్వడమేనని అమెరికా వాదిస్తోంది.
భారత్ విదేశాంగ శాఖ ట్రంప్ ఆరోపణలను తీవ్రంగా ఖండించింది. అమెరికా, యూరప్ కూడా రష్యా నుంచి భారీగా దిగుమతులు చేస్తున్నాయని… యుద్ధం ప్రారంభంలో అమెరికానే చౌక ధరలకు రష్యా చమురు కొనమని సూచించిందని.., ఇప్పుడు దాన్ని విమర్శించడం ద్వంద్వ ధోరణి అని భారత్ స్పష్టం చేసింది. ఇంధన భద్రత, ఆర్థిక స్థిరత్వం కోసం రష్యా నుంచి చమురు దిగుమతులు అవసరమని, వ్యూహాత్మక స్వాతంత్ర్యం ఆధారంగానే తమ నిర్ణయాలు ఉంటాయని భారత్ తేల్చిచెప్పింది.
రష్యా నుంచి ఏ దేశాలు చమురు ఎక్కువగా కొంటున్నాయి?
రష్యా నుంచి చమురు దిగుమతి చేస్తున్న దేశాల్లో భారత్, చైనా ముందున్నాయి. 2025 జూన్ నాటికి చైనా మొత్తం చమురు దిగుమతుల్లో 47% రష్యా నుంచే ఉన్నాయి. సుమారు 80 బిలియన్ డాలర్ల విలువైన క్రూడ్ ఆయిల్, LNG చైనా నుంచి కొనుగోలు చేసింది. ఇక భారత్ 38% చమురు రష్యా నుంచి కొంది. దీని విలువ సుమారు 70 బిలియన్ డార్లు. అయితే, ఇవి మాత్రమే కాదు. టర్కీ, ఇటలీ, నెదర్లాండ్స్ వంటి యూరోపియన్ దేశాలు కూడా రష్యా నుంచి చమురు, LNG దిగుమతి చేస్తున్నాయి. 2024లో యూరప్ దేశాలు రష్యా నుంచి 36 బిలియన్ డాలర్ల విలువైన చమురును దిగుమతి చేసుకున్నాయి. అయితే ఈ దేశాలపై ట్రంప్ ఆంక్షల హెచ్చరికలు జారీ చేయకపోవడం చర్చనీయాంశంగా మారింది.
అయితే అమెరికా, యూరోపియన్ దేశాలు కూడా రష్యా నుంచి భారీగా దిగుమతులు చేసుకుంటున్నాయి. అమెరికా 2024-25 మధ్య రష్యా నుంచి 10 బిలియన్ డాలర్ల విలువైన ఎరువులు, యురేనియం, పల్లాడియం దిగుమతి చేసుకుంది. యురేనియం దిగుమతులు అమెరికా అణు రియాక్టర్లకు 20% ఇంధన సరఫరాను అందిస్తున్నాయి. యూరోపియన్ యూనియన్ 2024లో 36 బిలియన్ డాలర్ల విలువైన గ్యాస్, ఎరువులు, ఐరన్, స్టీల్, అల్యూమినియం దిగుమతి చేసుకుంది. జర్మనీ, ఇటలీ, నెదర్లాండ్స్ వంటి దేశాలు రష్యా గ్యాస్పై 15% ఆధారపడుతున్నాయి. ఈ దిగుమతులు రష్యా ఆర్థిక వ్యవస్థను బలోపేతం చేస్తున్నప్పటికీ, అమెరికా, యూరప్ ఈ అంశంపై నిశ్శబ్దంగా ఉన్నాయని భారత్ ఆరోపిస్తోంది. Trump Tariff on Russia Oil.
అమెరికా రష్యా నుంచి ఎరువులు, యురేనియం దిగుమతి చేస్తూ, ఈ అంశంపై మౌనంగా ఉంది. 2024లో అమెరికా ఎరువుల దిగుమతుల్లో 30% రష్యా నుంచి వచ్చాయి, ఇవి వ్యవసాయ రంగానికి కీలకమైనవి. ట్రంప్ ఈ దిగుమతులపై తనకు ఏమీ తెలియదని తాజాగా మీడియా ముందు చెప్పడం డబుల్ గేమ్ కు నిదర్శనం అంటున్నారు. భారత్ ఈ ద్వంద్వ ధోరణిని విమర్శిస్తూ అమెరికా సొంత ఆర్థిక అవసరాల కోసం రష్యాతో వ్యాపారం చేస్తూ, భారత్పై మాత్రమే ఆంక్షలు విధించడం న్యాయం కాదు అని పేర్కొంది. ఈ విషయంలో అమెరికా పారదర్శకత లోపిస్తోందని భారత విదేశాంగ శాఖ స్పష్టం చేసింది.
ట్రంప్ యూరోపియన్ దేశాలపై ఆంక్షల హెచ్చరికలు జారీ చేయకపోవడానికి వ్యూహాత్మక కారణాలు ఉన్నాయి. యూరప్తో అమెరికాకు బలమైన రాజకీయ, ఆర్థిక, భద్రతా సంబంధాలు ఉన్నాయి. నాటో ద్వారా యూరప్తో సహకారం, రష్యా-ఉక్రెయిన్ యుద్ధంలో యూరప్ మద్దతు అమెరికాకు కీలకం. రష్యా నుంచి గ్యాస్, ఎరువుల దిగుమతులు యూరప్ ఆర్థిక స్థిరత్వానికి అవసరమని, ఈ దిగుమతులను పూర్తిగా నిషేధించడం యూరప్ ఆర్థిక వ్యవస్థను దెబ్బతీస్తుందని అమెరికా భావిస్తోంది. అయితే, భారత్పై మాత్రం ఆంక్షల హెచ్చరికలు జారీ చేయడం ద్వంద్వ ధోరణిగా భారత్ విమర్శిస్తోంది.
రష్యా చమురు, ఇతర వస్తువుల దిగుమతులు గ్లోబల్ ట్రేడ్ డైనమిక్స్లో కీలక పాత్ర పోషిస్తున్నాయి. భారత్, చైనా, టర్కీ, యూరప్ దేశాలు రష్యా ఇంధన, ఎరువులు, లోహాలపై ఆధారపడుతున్నాయి. అమెరికా ఆంక్షల హెచ్చరికలు భారత్పై దృష్టి సారించినప్పటికీ, యూరప్, అమెరికా సొంత దిగుమతులను కొనసాగిస్తున్నాయి. ఈ ద్వంద్వ ధోరణి గ్లోబల్ ఆర్థిక, రాజకీయ సమీకరణలను మరింత సంక్లిష్టం చేస్తోంది. భారత్ తన వ్యూహాత్మక స్వాతంత్ర్యాన్ని కాపాడుకుంటూ, రష్యాతో సంబంధాలను బలోపేతం చేస్తోంది.
ట్రంప్ ఆంక్షల హెచ్చరికలు భారత్ను రష్యా, చైనాతో మరింత దగ్గర చేస్తున్నాయి. భారత్ తన ఇంధన భద్రత, ఆర్థిక స్థిరత్వం కోసం రష్యా చమురు దిగుమతులను కొనసాగిస్తుందని ప్రకటించింది. అమెరికా, యూరప్ రష్యా నుంచి ఎరువులు, యురేనియం, గ్యాస్ దిగుమతి చేస్తూ, భారత్పై మాత్రమే ఒత్తిడి పెంచడం గ్లోబల్ ట్రేడ్లో నిష్పాక్షికత లోపాన్ని చూపిస్తోంది. ఈ పరిస్థితి భారత్-రష్యా-చైనా కూటమిని బలోపేతం చేస్తూ, అమెరికా ఆధిపత్యానికి సవాల్గా మార్చే అవకాశం ఉందని విశ్లేషకులు హెచ్చరిస్తున్నారు. రష్యా చమురు దిగుమతులపై ట్రంప్ ఆంక్షలు – గ్లోబల్ ట్రేడ్లో కొత్త అధ్యాయానికి తెర తీసే అవకాశం ఉంది.
Also Read: https://mega9tv.com/international/how-trump-united-india-china-and-russia-against-america/