Punjab Police: భారత్లో అల్లర్లు సృష్టించేందుకు, దాడులు చేసేందుకు, బాంబు పేలుళ్లు జరిపేందుకు పాకిస్తాన్కు చెందిన ఐఎస్ఐ ఎప్పుడూ ప్రతయత్నిస్తూనే ఉంటుంది. అందుకు ఉగ్రవాద సంస్థలకు సహాయ సహకారాలు అందిస్తుంది. జమ్మూ కశ్మీర్ స్వాధీనమే లక్ష్యంగా ఇంతకాలం కార్యకలాపాలు సాగించిన ఐఎస్ఐ.. ఇప్పుడు రూట్ మార్చింది. ఆ డిటైల్స్ ఏంటో ఇప్పుడు చూద్దాం.
కశ్మీర్లో భద్రత కట్టుదిట్టం కావడంతో పంజాబ్పై ఐఎస్ఐ దృష్టి పెట్టింది. అమృత్సర్ జిల్లలో భద్రతా బలగాల సోదాల్లో రాకెట్ ప్రొపెల్లర్ గ్రెనేడ్ పట్టుబడడం ఆందోళన కలిగించింది. ఇది 500 మీటర్ల దూరం వరకు యాంటీ ట్యాంక్ దాడులు చేయగల ఫవర్ ఫుల్ ఆయుధం. పెద్ద భవనాలు, రక్షణ వాహనాలు లేదా కాన్వాయ్లపై దాడికి వీటిని వాడ వచ్చు. ఈ పరిణామం పంజాబ్లో ఉగ్రవాద చర్యలు మరోసారి చెలరేగే సూచనగా భావిస్తున్నారు.
పంజాబ్కు పాకిస్తాన్తో 550 కిలోమీటర్ల పొడవైన సరిహద్దు ఉంది. ఇరువైపులా భాషా, సాంస్కృతిక సామ్యాలు ఎక్కువగా ఉండటంతో సరిహద్దు గమనించటం ప్రాబ్లంగానే ఉంటుంది. అయితే తర్లోదడిణి మార్గాల్లో ఉగ్రవాదులు, ఖలిస్తాన్ అనుచరులు చొరబడేందుకు ప్రయత్నాలు నిరంతరం కొనసాగుతున్నాయని ఇంటెలిజెన్స్ నివేదికలు తెలిపాయి.
తరుణ్తారన్, గుర్దాస్పూర్, అమృత్సర్, పఠాన్కోట్, ఫజిల్కా జిల్లాలు పాకిస్తాన్ సరిహద్దులో ఉండటంతో తీవ్ర స్పర్శలో ఉన్న ప్రాంతాలుగా గుర్తించబడ్డాయి. ముఖ్యంగా తరుణ్తారన్ ఎంపీ అమృత్పాల్ సింగ్ పేరు ఖలిస్తాన్ ఉద్యమ పునరుద్ధరణతో ముడిపడింది. ఈ ప్రాంతంలో బిద్రావాల తర్వాత రెండో తరంగం ఆలోచన వ్యాప్తి చెందుతోందని కేంద్ర భద్రతా ఏజెన్సీలు ఆందోళన వ్యక్తం చేస్తున్నాయి.
2025కి ముందు నుంచి పంజాబ్ గగనతలంలో డ్రోన్ కార్యకలాపాలు పెరిగిన విషయం తెలిసిందే. పాకిస్తాన్ వైపు నుంచి గ్రెనేడ్లు, కమ్యూనికేషన్ పరికరాలు, మత్తు పదార్థాలు డ్రోన్ల ద్వారా తరలిస్తున్నారని ఇంటెలిజెన్స్ హెచ్చరికలు ఉన్నాయి. తాజా ఆర్పీజీ పట్టుబడటంతో ఈ డ్రోన్ నెట్వర్క్ మరింత ప్రమాదకర దిశగా వృద్ధి చెందుతోందన్న సందేహం మరింత బలపడింది.
అయితే ముందటి లా పఠాన్కోట్ ఎయిర్బేస్పై జరిగిన ఉగ్రదాడి తర్వాత ఇప్పుడు అదే ప్రాంతంలో సరిహద్దు మార్గాల వద్ద భద్రత కఠినతరం చేశారు. హైవే మూసివేయించి పలు చర్యలు చేపట్టడం ప్రభుత్వం ఈ ముప్పును ఎంత జాగ్రత్తగా పరిగణించిందో సూచిస్తోంది. కశ్మీర్లో ఉగ్ర నెట్వర్క్ బలహీనపడటంతో ఐఎస్ఐ ఇప్పుడు పంజాబ్ను కొత్త స్థావరంగా మార్చేందుకు ప్రయత్నిస్తోందని కేంద్ర ఇంటెలిజెన్స్ నివేదిక తేల్చింది. అమృత్సర్లో పట్టుబడ్డ ఇద్దరు యువకుల అరెస్టు ఈ కుట్రలో భాగమని దర్యాప్తు అధికారులు పరిశీలిస్తున్నారు.
అయితే జనవరి 9న కూడా అమృత్సర్ కమిషనరేట్లోని గుమ్తాలా పోలీస్ పోస్ట్పై దుండగులు గ్రెనేడ్ విసిరిన సంఘటన జరిగింది. దాడి తర్వాత, నిషేధిత ఉగ్రవాద సంస్థ బబ్బర్ ఖల్సా ఇంటర్నేషనల్ సోషల్ మీడియా ప్లాట్ఫామ్ల ద్వారా బాధ్యత వహించింది. అరెస్టయిన వ్యక్తులలో ఒకరైన బగ్గా సింగ్, సర్వాన్ భోలాతో బంధువు. రంజిత్ సింగ్ సోదరుడు, చీతా అని కూడా పిలుస్తారు. 532 కిలోల హెరాయిన్ రికవరీ కేసులో ప్రస్తుతం భటిండా జైలులో ఉన్న స్మగ్లర్ రంజిత్ సింగ్. అమెరికా నుండి మాదకద్రవ్యాల స్మగ్లింగ్ నెట్వర్క్ను నిర్వహిస్తున్న భోలా, అదే హెరాయిన్ రికవరీ కేసులో వాంటెడ్గా ఉన్నాడు మరియు జాతీయ దర్యాప్తు సంస్థ జారీ చేసిన రూ.2 లక్షల రివార్డును కలిగి ఉన్నాడు. Punjab Police.
ఇక పంజాబ్లో ఉగ్రవాద కార్యకలాపాలను నిర్వహించడానికి హర్ప్రీత్ సింగ్ మరియు హర్వీందర్ రిండా కింద పనిచేయడానికి బగ్గా సింగ్ మరియు అతని సహచరుడు పుష్కరన్లను భోలా నియమించాడని దర్యాప్తు అధికారులు వెల్లడించారు. గ్రెనేడ్ దాడి తర్వాత, నిఘా కార్యకలాపాల ఫలితంగా సిర్సా మరియు అమృత్సర్లలో అరెస్టులు జరిగాయని, దీని ఫలితంగా పేలుడు పదార్థాలు మరియు ఆయుధాలు స్వాధీనం చేసుకున్నట్లు అమృత్సర్అసిస్టెంట్ ఇన్స్పెక్టర్ జనరల్ సుఖ్మీందర్ సింగ్ మాన్ తెలిపారు.
పంజాబ్ సరిహద్దుల్లో ఆర్పీజీ స్వాధీనం కావడం భారత భద్రతా వ్యవస్థకు కొత్త హెచ్చరికగా నిలిచింది. కశ్మీర్ తర్వాత పంజాబ్ను అస్థిరం చేయాలన్న పాకిస్తాన్ ఉద్దేశ్యం స్పష్టమవుతోంది. కేంద్రం, రాష్ట్రం సమన్వయంతో సరిహద్దు భద్రతను మరింత కట్టుదిట్టం చేయడం తప్పనిసరి అనే సందేశం ఈ ఘటన మళ్లీ గుర్తు చేసింది.