ప్రతిష్టాత్మక ఉత్తరప్రదేశ్ లోని ఐఐటీ కాన్పూర్ లో 1976 బ్యాచ్ స్టూడెంట్స్ తాము చదువుకున్న సంస్థకు ఆర్దికంగా అండగా నిలబడ్డారు. అక్కడి క్యాంపస్ లో చదివి 50 సంవత్సరాలు పూర్తయిన సందర్భంగా పూర్వ విద్యార్థులు గోల్డెన్ జూబ్లీ వేడుకలు జరుపుకున్నారు. ఈ సందర్భంగా రూ.13.40 కోట్ల డొనేషన్ అందించారు. ఈ బ్యాచ్ లో చదువుకున్న వారంతా వివిధ దేశాలలో ఉన్నత స్థాయిలో సెటిలై ఉన్నారు. 50 సంవత్సరాల క్రితం తమ స్టూడెంట్ లైఫ్ ను గుర్తు చేసుకుంటూ ఆ ఆనంద క్షణాలను మరోసారి తమ స్నేహితులతో కలిసి ఆస్వాదించారు. క్లాస్ రూమ్ లు వాటితో పెనవేసుకున్న జ్ఞాపకాలను నెమరువేసుకున్నారు. సెల్ఫీలతో సందడి చేశారు. ఈ విద్యాసంస్థ స్టూడెంట్స్ సాధించిన విజయాలు అనుసరిస్తున్న విలువల పట్ల గర్వంగా ఉందని ఐఐటీ కాన్పూర్ డైరెక్టర్, ప్రొఫెసర్ మణింద్ర అగర్వాల్ పేర్కొన్నారు.
