భారతీయ జనతా పార్టీ జాతీయ అధ్యక్షుడిగా ఎన్నికైన నితిన్ నబిన్ కు జనసేన పార్టీ అధినేత, ఆంధ్రప్రదేశ్ డిప్యూటీ సీఎం పవన్ కళ్యాణ్ శుభాకాంక్షలు తెలిపారు. ఈమేరకు ‘ఎక్స్’ లో పోస్ట్ చేశారు. బీజేపీ జాతీయ అధ్యక్షుడిగా ఎన్నికైన నితిన్ నబిన్ కు నా హృదయపూర్వక అభినందనలు. ఎమ్మెల్యేగా, రాష్ట్ర మంత్రిగా రెండు దశాబ్దాలకు పైగా ప్రజా జీవితంలో ఆయన సాగించిన ప్రయాణం, సంస్థ పట్ల ఆయనకున్న అంకితభావం, క్రమశిక్షణ మరియు నిబద్ధతను ప్రతిబింబిస్తుందని కొనియాడారు. ఆయన నియామకం పార్టీ ఆయనపై ఉంచిన నమ్మకానికి నిదర్శనం. పార్టీకి మరియు ఎన్డీఏ (NDA) కూటమికి సేవలందించే క్రమంలో ఈ బాధ్యతను స్వీకరిస్తున్న ఆయనకు నా శుభాకాంక్షలు తెలియజేస్తున్నాను. అదేవిధంగా, గౌరవనీయ కేంద్ర మంత్రి శ్రీ జె.పి. నడ్డా నాయకత్వానికి, పార్టీ మరియు కూటమి పట్ల ఆయన చేసిన విశిష్ట సేవలకి నా హృదయపూర్వక కృతజ్ఞతలు తెలియజేస్తున్నాను. ఆయన అందించిన సేవలు ఎల్లప్పుడూ గౌరవప్రదంగా గుర్తుండిపోతాయని పవన్ పేర్కొన్నారు.
