ఏపీ డిప్యూటీ సీఎం, ప్రముఖ నటుడు పవన్ కళ్యాణ్ సతీమణి అన్నా లెజ్ నెవా ఇటీవల సోషల్ మీడియాలోకి అడుగుపెట్టిన విషయం తెలిసిందే. చాలా సంవత్సరాలుగా మీడియా కి దూరంగా ఉన్న ఆమె, ఇప్పుడు ఇన్స్టాగ్రామ్లో అకౌంట్ ఓపెన్ చేయడంతో అభిమానుల్లో ఆసక్తి పెరిగింది. ఆమె పెట్టిన మొదటి పోస్ట్ నుంచే అభిమానులు పెద్ద ఎత్తున స్పందిస్తున్నారు. అయితే తాజాగా ఆమె పెట్టిన ఒక ఎమోషనల్ పోస్ట్ ఇప్పుడు సోషల్ మీడియాలో వైరల్ అవుతోంది. ముఖ్యంగా మెగా అభిమానులను ఇది ఎంతో కదిలించింది. ఇటీవల ఆమె తన ఇన్స్టాగ్రామ్ అకౌంట్లో మెగా కుటుంబ సభ్యులతో ఉన్న అనుబంధాన్ని గుర్తుచేసుకుంటూ ఒక ఎమోషనల్ మెసేజ్ షేర్ చేశారు. ముఖ్యంగా మెగాస్టార్చిరంజీవి, నాగబాబుల గురించి ఆమె చెప్పిన మాటలు అభిమానులను ఎంతో ఆకట్టుకున్నాయి. ఈ పోస్ట్లో ఆమె వీరిద్దరితో ఉన్న తన అనుబంధాన్ని ఎంతో హృద్యంగా వివరించారు. దాదాపు పదిహేను సంవత్సరాల క్రితం తాను ఈ కుటుంబంలోకి అడుగుపెట్టానని చెప్పారు. ఆ సమయంలో ఈ పెద్ద కుటుంబంలో ఎలా కలవాలి, ఎవరిని ఎలా పిలవాలి అనే విషయాలు మొదట్లో తనకు అర్థం కాలేదని గుర్తుచేసుకున్నారు. కొత్త ఇంటికి వచ్చిన ఒక వ్యక్తిగా కొంచెం సంకోచం, కొంచెం అపరిచిత భావన ఉండేదని ఆమె చెప్పారు. ఆ సమయంలో తనకు సహాయం చేసినది తన భర్త పవన్ కళ్యాణ్ అని అన్నారు. ఆయన తన అన్నలను ఎలా పిలుస్తారో చూసి తానూ అదే విధంగా పిలవడం ప్రారంభించానని తెలిపారు. అందుకే మెగాస్టార్ చిరంజీవిని అన్నయ్య అని, నాగబాబును చిన్న అన్నయ్య అని పిలవడం మొదలుపెట్టానని చెప్పారు. మొదట్లో అది కేవలం ఒక పిలుపు మాత్రమేనని అన్నా వివరించారు. అంటే కుటుంబంలో ఇతరులు ఎలా పిలుస్తున్నారో చూసి తానూ అలానే పిలిచేదాన్నని చెప్పారు. కానీ కాలం గడిచేకొద్దీ ఆ మాటలు కేవలం ఒక పిలుపు గా కాకుండా నిజమైన అనుబంధంగా మారిపోయాయని తెలిపారు. తర్వాత తాను వారిని మరో విధంగా కూడా పిలవవచ్చని తెలుసుకున్నానని చెప్పారు. ఉదాహరణకు బావగారు అని కూడా పిలవొచ్చని అప్పటికి అర్థమైందని అన్నారు. అయితే అప్పటికే ఆ సంబంధం తనకు ఒక కుటుంబ బంధంగా మారిపోయిందని చెప్పారు. అందుకే ఆ పిలుపు తనకు భాషకు సంబంధించిన విషయం కాకుండా భావోద్వేగానికి సంబంధించినదిగా మారిందని తెలిపారు.అన్నా తన పోస్ట్లో చెప్పిన ఈ మాట మాత్రం అభిమానులను ప్రత్యేకంగా కదిలించింది. “నాకు సొంతంగా అన్నదమ్ములు లేరు. కానీ ఈ కుటుంబం నాకు ఇద్దరు సోదరులను ఇచ్చింది” అని ఆమె పేర్కొన్నారు. ఈ ఒక్క మాటలోనే ఆమె మెగా కుటుంబంపై ఉన్న ప్రేమ, గౌరవం ఎంత గొప్పదో స్పష్టంగా కనిపించింది. ఈ పోస్ట్తో పాటు ఆమె కొన్ని ఫోటోలను కూడా షేర్ చేశారు. ఆ ఫోటోలలో మెగాస్టార్ చిరంజీవితో ఉన్న ఒక అందమైన క్షణం కనిపిస్తుంది. ఆ ఫోటోలో చిరంజీవి ఎంతో ప్రేమగా నవ్వుతూ కనిపిస్తున్నారు. పక్కనే పవన్ కళ్యాణ్ కూడా చిరునవ్వుతో నిలబడి ఉన్నారు. ఆ ఫోటోలో కనిపించిన ఆత్మీయత అభిమానులకు ఎంతో నచ్చింది. ముఖ్యంగా ఈ ఎమోషనల్ పోస్ట్ మెగా అభిమానుల హృదయాలను గెలుచుకుంది. కుటుంబ బంధాలు ఎంత విలువైనవో, ప్రేమతో నిండిన సంబంధాలు ఎలా జీవితాన్ని మార్చగలవో అన్న విషయాన్ని ఆమె మాటలు ఎంతో అందంగా చెప్పాయి. ఈ పోస్ట్ ద్వారా మరోసారి మెగా కుటుంబంలో ఉన్న ఆత్మీయత అభిమానులకు స్పష్టంగా కనిపించింది. కుటుంబ సభ్యులు ఒకరిపై ఒకరు చూపించే ప్రేమ, గౌరవం, అనుబంధం చూసి అభిమానులు కూడా ఎంతో ఆనందం వ్యక్తం చేస్తున్నారు.
