సంక్రాంతి కానుకగా విడుదలై బాక్సాఫీస్ వద్ద ఘన విజయం సాధించి మెగాస్టార్ చిరంజీవి స్టామినాను మరోసారి చాటిచెప్పిన చిత్రం ‘మన శంకరవరప్రసాద్ గారు’. తాజాగా ఈచిత్రం నుండి ఓ కొత్త అప్డేట్ వచ్చేసింది. సినిమాలో ప్రేక్షకులతో ఈలలు వేయించిన “పెద్ది రెడ్డి” ఫుల్ వీడియో సాంగ్ తాజాగా విడుదలైంది. ఈ చిత్రం ఇప్పటికే 400 కోట్ల రూపాయల వసూళ్ల క్లబ్కు చేరువలో ఉండటం విశేషం. ఈ మాస్ పాటకు పలు ప్రత్యేకతలు ఉన్నాయి. దర్శకుడు అనిల్ రావిపూడి పర్యవేక్షణలో చిత్రీకరించిన ఈ పాటలో చిరంజీవి తనదైన శైలిలో మాస్ స్టెప్పులతో చెలరేగారు. అంతేకాకుండా ఈ పాటను స్వయంగా ఆయనే ఆలపించడం అభిమానులను మరింత ఆకట్టుకుంటోంది. భీమ్స్ సిసిరోలియో అందించిన మ్యూజిక్ మరో హైలెట్ గా నిలిచింది. రఘురాం రాసిన సాహిత్యం పాటకు జోష్ ఇచ్చింది. విడుదలైన కొన్ని క్షణాల్లోనే ఈ పాట సోషల్ మీడియాలో వైరల్గా మారింది.
