కెరీర్ ప్రారంభంలో లవ్ స్టోరీలతో తనకంటూ ప్రత్యేక గుర్తింపు తెచ్చుకున్న నాగ చైతన్య ప్రస్తుతం వైవిద్యకథా చిత్రాలతో నటుడిగా ప్రేక్షకులను అలరిస్తూ ముందుకు సాగుతున్నారు. ‘తండేల్’ సినిమాతో భారీ విజయాన్ని అందుకున్న ఆయన, ఇప్పుడు వరుస ప్రాజెక్టులతో బిజీగా మారిపోయారు. ఈ నేపథ్యంలో అక్కినేని అభిమానులకు మరొకసారి డబుల్ ధమాకా ఇవ్వబోతున్నారని ఇండస్ట్రీలో టాక్ వినిపిస్తోంది. చైతన్య మరోసారి తన తండ్రి నాగార్జునతో కలిసి స్క్రీన్ షేర్ చేయబోతున్నాడట. ఈ తండ్రీ-కొడుకుల కాంబినేషన్ గురించి అభిమానులకు ఎంత క్రేజ్ ఉందో ప్రత్యేకంగా చెప్పాల్సిన పనిలేదు. ఇప్పటికే సోగ్గాడే చిన్ని నాయన, బంగార్రాజు సినిమాల్లో కలిసి నటించి ప్రేక్షకులను అలరించారు. ఇప్పుడు మరోసారి అదే హిట్ కాంబినేషన్ రిపీట్ అయితే అభిమానులకు మళ్లీ పండుగే. ఈ కొత్త ప్రాజెక్ట్ను దర్శకుడు కళ్యాణ్ కృష్ణ తెరకెక్కించనున్నారని సమాచారం. ఆయన ఇప్పటికే ఈ తండ్రీ-కొడుకుల కాంబినేషన్ను తెరకెక్కించిన అనుభవం ఉంది. అందుకే ఈ సినిమా మీద మరింత అంచనాలు పెరిగాయి. ఇంకా ఈ ప్రాజెక్ట్పై అధికారిక ప్రకటన రావాల్సి ఉన్నప్పటికీ, ఈ వార్త ఇప్పటికే సోషల్ మీడియాలో వైరల్ అవుతోంది. అక్కినేని అభిమానులు మాత్రం ఈ కాంబినేషన్ను మరోసారి పెద్ద స్క్రీన్పై చూడాలని ఎంతో ఆసక్తిగా ఎదురుచూస్తున్నారు. తండ్రి-కొడుకుల మధ్య వచ్చే ఎమోషనల్ సీన్స్, సరదా సంభాషణలు అన్ని ఈ సినిమాకు హైలైట్ అవుతాయని భావిస్తున్నారు. మరోవైపు నాగ చైతన్య తన కెరీర్లో ఒక ముఖ్యమైన మైలురాయికి కూడా సిద్ధమవుతున్నాడు. ఆయన 25వ సినిమా కోసం ప్రత్యేకంగా ప్లాన్ చేస్తున్నాడట. ఈ మైల్స్అయితే అధికారిక ప్రకటన రాలేదు. ఇక మరోవైపు, కింగ్ నాగార్జున కూడా తన కెరీర్లో ఒక పెద్ద మైలురాయికి సిద్ధమవుతున్నారు. ఆయన 100వ సినిమాతో మరోసారి వార్తల్లో నిలిచారు. ‘కింగ్ 100’ అనే వర్కింగ్ టైటిల్తో తెరకెక్కుతున్న ఈ సినిమాకు దర్శకుడు రా. కార్తీక్ దర్శకత్వం వహిస్తున్నారు. ఈ సినిమా ప్రస్తుతం షూటింగ్ జరుపుకుంటుంది.
