స్టార్ లెగసీతో సినిమా రంగంలోకి ఎంట్రీ ఇచ్చినా తనదైన ప్రత్యేక నటన, స్టైల్ తో కెరీర్ ఆరంభం నుండి వైవిధ్యమైన పాత్రలతో ప్రేక్షకులను ఆకట్టుకుంటూ ముందుకు సాగుతున్నారు అక్కినేని నాగార్జున. అనతికాలంలోనే తెలుగు సీనియర్ హీరోల్లో ఒకరిగా ఎదిగారు. నేడు ఆగష్టు 29 నాగార్జున తన 67వ పుట్టినరోజును జరుపుకుంటున్నారు. ఆయన ప్రస్తుతం తన 100వ సినిమా చేస్తున్న విషయం తెలిసిందే. రా. కార్తీక్ దర్శకత్వంలో రూపొందుతున్న #King100 అన్నపూర్ణ స్టూడియోస్ నిర్మిస్తోంది. టబు కీలక పాత్రలో కనిపించనున్నారు. దాదాపు షూటింగ్ పూర్తి చేసుకున్న ఈ మూవీకి సంబంధించికీలక అప్డేట్ వచ్చేసింది. ఆగస్టు 29న నాగార్జున పుట్టినరోజును పురస్కరించుకుని టైటిల్ టీజర్ ని విడుదల చేసేందుకు సన్నాహాలు చేస్తున్నారు. ఇందులో భాగంగా చిత్రం బృందం నేడు అప్డేట్ ను అభిమానులతో పంచుకుంది. బర్త్ డే గ్లిమ్ప్స్ ను నేడు విడుదల చేసింది.
అల్ట్రా స్టైలిష్ లుక్ లో అదరగొట్టారు. దేవి శ్రీ ప్రసాద్ సంగీతం ప్రధాన ఆకర్షణగా నిలిచింది. మన్మథుడు మాస్ కింగ్ వంటి ఎన్నో బ్లాక్ బస్టర్లు వీరిద్దరి కాంబినేషన్ లో వచ్చి ప్రేక్షకులను ఉర్రుతలూగించాయి. తాజాగా కింగ్ 100 కూడా ఆ రేంజ్ లో ఆకట్టుకోనుందని ఈ టీజర్ చూస్తుంటే తెలుస్తోంది. ఆయన 100వ సినిమాపై అంచనాలు భారీగా ఉన్నాయి. ఈ ప్రతిష్టాత్మక మైలురాయి సినిమా ఎలా ఉండబోతుంది అనే చర్చ సర్వత్రా జరుగుతోంది. నాగార్జున 100వ సినిమాపై కేవలం అభిమానులకే కాదు, ప్రేక్షకులకు కూడా ఆసక్తి ఉంది. ఆయన కుటుంబానికి, ముఖ్యంగా అక్కినేని అభిమానులకు ఇది ఒక పండుగలాంటి విషయం. ఒక హీరో 100 చిత్రాల మైలురాయిని చేరుకోవడం తెలుగు సినిమా చరిత్రలో విశేషం. మొత్తంగా, నాగార్జున 100వ సినిమాపై అంచనాలు ఆకాశాన్ని అంటుతున్నాయి. నాగార్జున తన శతచిత్రంతో మరోసారి బాక్సాఫీస్ వద్ద తన సత్తా చాటుకుంటారని ఆశిద్దాం. ఇది ఆయన కెరీర్లోని ఒక చిరస్మరణీయ చిత్రం అవుతుందని ఫ్యాన్స్ ఆకాంక్షిస్తున్నారు. దర్శకత్వం వహించిన విధానం మరియు చిత్రీకరించిన విజువల్స్ అద్భుతంగా ఉన్నాయి. సినిమా మేకింగ్ ప్రమాణాలు, ప్రతి సన్నివేశంలో కనిపించిన రిచ్నెస్ ఈ చిత్రం ఎంత ప్రతిష్ఠాత్మకంగా తెరకెక్కుతోందో స్పష్టం చేస్తున్నాయి. సినీ ప్రేమికుల నుంచి, పరిశ్రమ వర్గాల నుంచి ఈ టీజర్కు వస్తున్న స్పందన ఈ సినిమాపై ఉన్న అంచనాలను రెట్టింపు చేసింది.