మలయాళ స్టార్ హీరో దుల్కర్ సల్మాన్ తెలుగులో తన విజయ పరంపరను కొనసాగిస్తూ మరో క్రేజీ ప్రాజెక్ట్కు గ్రీన్ సిగ్నల్ ఇచ్చినట్లు తెలుస్తోంది. ‘మహానటి’, ‘సీతారామం’ వంటి బ్లాక్ బస్టర్ల తర్వాత ప్రస్తుతం ‘ఆకాశంలో ఒక తార’ చిత్రంతో బిజీగా ఉన్న ఆయన, తాజాగా మాస్ డైరెక్టర్ సంపత్ నంది చెప్పిన కథకు ఇంప్రెస్ అయినట్లు సమాచారం. ఈ భారీ చిత్రాన్ని ప్రముఖ నిర్మాణ సంస్థ పీపుల్ మీడియా ఫ్యాక్టరీ నిర్మించనుండగా, ఇప్పటికే దుల్కర్కు భారీ మొత్తంలో అడ్వాన్స్ కూడా చెల్లించినట్లు టాక్ వినిపిస్తోంది. ప్రస్తుతం సంపత్ నంది పూర్తి స్థాయి స్క్రిప్ట్ పనుల్లో ఉండగా, 2026 మార్చి నాటికి ఈ సినిమాపై తుది నిర్ణయం వచ్చే అవకాశం ఉంది. సంపత్ నంది మార్క్ మాస్ ఎలిమెంట్స్కు దుల్కర్ క్లాస్ ఇమేజ్ తోడైతే బాక్సాఫీస్ వద్ద సరికొత్త మేజిక్ జరుగుతుందని అభిమానులు ఆశిస్తున్నారు. ఈ ఏడాది సమ్మర్లో ‘ఆకాశంలో ఒక తార’ విడుదలైన వెంటనే ఈ కొత్త సినిమా పట్టాలెక్కే ఛాన్స్ ఉంది. త్వరలోనే ఈ ప్రాజెక్ట్కు సంబంధించి అధికారిక ప్రకటన వెలువడనుంది.
