ఫస్ట్ లో ఒక్క హిందీ లోనే బిగ్ బాస్ వచ్చేది… అనుకున్నట్టే అందరం హిందీ బిగ్ బాస్ కి అలవాటు పడి హిందీ కూడా నేర్చుకున్నాం… కానీ గత ఐదేళ్లు గా మన సౌత్ భాషల్లోనే బిగ్ బాస్ రావడం తో హ్యాపీ గా మన బాషలోనే వచ్చే రియాలిటీ షో ఎంజాయ్ చేస్తున్నాం కదా…
ఇక ఒక నెల కిందటే తెలుగు బిగ్ బాస్ సీజన్లో 9 కంప్లీయే అయ్యి, ఆర్మీ జవాన్ కళ్యాణ్ పడాల విన్నర్ అయ్యాడు. ఐతే ఆ తెలుగు షో అయ్యాక, తమిళ్ బిగ్ బాస్ చాల పాపులర్ అయ్యింది… ఎందుకంటే టికెట్ ఓ ఫినాలే రేస్ లో జరిగిన ఒక టాస్క్ లో కార్ లో ఉన్న సండ్ర ని VJ పారు ఇంకా ఖమ్రుద్దీన్ అనే ఇద్దరు కంటెస్టెంట్స్ కిందది తోసేశారు… అలా అది పెద్ద కాంట్రవర్సీ అయ్యి, ఇద్దరినీ హోస్ట్ విజయ్ సేతుపతి రెడ్ కార్డు ఇచ్చి హౌస్ నుంచి బయటికి పంపారు… ఇక్క అప్పటి నుంచి ఈ సీసన్ కి చాల పేరు వచ్చి TRP పెరిగింది. అందరు ఎవరు విన్నర్ ఆ అని వెయిట్ చేసారు! నిన్నే ఫినాలే కూడా అయిపోయింది!
ఈ నేపథ్యంతో చూస్తే, ఇప్పుడు తమిళ్ బిగ్బాస్ సీజన్ 9 ప్రేక్షకులకు ఓ కొత్త చరిత్రను అందించింది. ఈ సీజన్లో ఒక మహిళ విజేతగా నిలిచి, బిగ్బాస్ చరిత్రలో తనకంటూ ప్రత్యేక గుర్తింపు సంపాదించుకుంది. ‘లేడీ టైగర్’గా పేరొందిన ఈ సీజన్ విజేత మరెవరో కాదు… దివ్య గణేష్.
హీరో విజయ్ సేతుపతి హోస్ట్గా వ్యవహరించిన తమిళ్ బిగ్బాస్ సీజన్ 9, 2025 అక్టోబర్ 5న ప్రారంభమై 2026 జనవరి 18న ముగిసింది. మొత్తం 100 రోజుల ప్రయాణంలో ఈ షో ఎన్నో మలుపులు తిరిగి, ప్రేక్షకులను తెరలకు కట్టిపడేసింది. ప్రారంభంలోనే 20 మంది పోటీదారులతో మొదలైన ఈ సీజన్కు మూడో వారంలో మరో ప్రత్యేక మలుపు వచ్చింది. దివ్య గణేష్, అమీత్, సాండ్రా, ఆమె భర్త ప్రజిన్… ఇలా నలుగురు పోటీదారులు వైల్డ్ కార్డ్ ఎంట్రీలుగా హౌస్లోకి అడుగుపెట్టారు. ఈ ఎంట్రీలతో ఆట మరింత ఆసక్తికరంగా మారింది.
ఇక జనవరి 18న ఆదివారం సాయంత్రం నిర్వహించిన గ్రాండ్ ఫినాలే నిజంగా ప్రేక్షకులకు ఓ పండగలా జరిగింది. హౌస్లో చివరి వరకు నిలిచిన పోటీదారుల మధ్య పోటీ హోరాహోరీగా సాగింది. చివరికి, దివ్య గణేష్ ఈ సీజన్ 9 టైటిల్ను సొంతం చేసుకుంది. శబరి ఫస్ట్ రన్నరప్గా నిలవగా, వికెల్స్ విక్రమ్ సెకండ్ రన్నరప్గా నిలిచారు.
విశేషమేంటంటే… దివ్య గణేష్ ఈ సీజన్లో వైల్డ్ కార్డ్ ఎంట్రీగా హౌస్లోకి వచ్చారు. సీరియల్స్ ద్వారా ప్రేక్షకుల్లో మంచి గుర్తింపు సంపాదించిన ఆమె, ముఖ్యంగా ‘భాగ్యలక్ష్మి’ సీరియల్లో జెన్నీ పాత్రతో ఆడియన్స్ హృదయాలను గెలుచుకున్నారు. బిగ్బాస్ హౌస్లోకి అడుగుపెట్టిన తర్వాత, తన ఆటతీరు, ధైర్యమైన నిర్ణయాలు, స్పష్టమైన మాటలు, ఎమోషనల్ కనెక్ట్తో ప్రేక్షకులను ఆకట్టుకుంది. నెమ్మదిగా కాదు… ఆత్మవిశ్వాసంతో ఒక్కో అడుగు ముందుకు వేసుకుంటూ, చివరికి టైటిల్ వరకూ చేరుకుంది.
గ్రాండ్ ఫినాలే వేదికపై, హోస్ట్ విజయ్ సేతుపతి, ఫైనలిస్టులు శబరి, దివ్య గణేష్ కలిసి నిలబడ్డ క్షణం ప్రేక్షకులకు మరపురాని క్షణంగా నిలిచింది. చివరికి విజయ్ సేతుపతి స్వయంగా దివ్య గణేష్ చేయిని పైకెత్తి, ఆమెను బిగ్బాస్ తమిళ్ సీజన్ 9 విజేతగా ప్రకటించారు. ఆ క్షణంలో ఆమె ముఖంలో కనిపించిన ఆనందం, కళ్లలో మెరిసిన కన్నీళ్లు… ప్రేక్షకుల మనసులను తాకాయి.
ఈ విజయంతో దివ్య గణేష్ కేవలం టైటిల్ మాత్రమే కాదు… రూ.50 లక్షల నగదు బహుమతిని కూడా సొంతం చేసుకుంది. వైల్డ్ కార్డ్గా వచ్చిన ఒక సాధారణ టీవీ నటి, బిగ్బాస్ హౌస్లో తన సత్తా చాటి, లేడీ విన్నర్గా చరిత్ర సృష్టించడం నిజంగా ప్రశంసనీయం. తమిళ్ బిగ్బాస్ సీజన్ 9, దివ్య గణేష్ పేరుతో లేడీ పవర్కు నిలువెత్తు ఉదాహరణగా నిలిచిపోయింది.