తమిళనాడులో కొత్త ప్రభుత్వం స్థాపన కోసం తక్షణ చర్యలు తీసుకోవాలని మాజీ సీఎం డీఎంకే అధినేత స్టాలిన్ కోరారు. ఈ మేరకు ఆయన సోషల్ మీడియా వేదికగా కీలక పోస్ట్ చేశారు. తమిళనాడు శాసనసభ ఎన్నికల ఫలితాలు వచ్చేశాయి. ప్రజల ద్వారా ఎన్నికైన శాసనసభ సభ్యుల జాబితాను ఎన్నికల సంఘం విడుదల చేసింది. ఇప్పటికే ఉన్న శాసనసభ కూడా రద్దయింది. అందుకు సంబంధించి గవర్నర్ కూడా ప్రకటన జారీ చేశారు. ఇటువంటి పరిస్థితుల్లో, ఎన్నికైన శాసనసభ సభ్యులు ప్రమాణ స్వీకారం చేయడానికి మరియు రాష్ట్ర సంక్షేమాన్ని ముందుకు తీసుకెళ్లడానికి కొత్త ప్రభుత్వం ఏర్పాటు కావడం కీలకమే కాకుండా ప్రజాస్వామ్యం యొక్క అత్యంత ముఖ్యమైన విధి అని పేర్కొన్నారు. ఈ నేపథ్యంలో, ప్రభుత్వం ఏర్పాటులో ఎలాంటి ఆలస్యం జరగకుండా ఉండేందుకు, రాజ్యాంగానికి అనుగుణంగా కొత్త పరిపాలనను ఏర్పాటు చేయడానికి గౌరవ గవర్నర్ తక్షణ చర్యలు తీసుకోవాలని ద్రవిడ మున్నేట్ర కజగం (DMK) తరపున కోరుతున్నట్లు తెలిపారు.
