దేశం నిద్రలో ఉండగానే సూర్యుడు పలకరించే అద్భుత ప్రదేశం!

భారతదేశంలో సూర్యుడు మొట్టమొదటగా పలకరించే అద్భుత ప్రదేశం అరుణాచల్ ప్రదేశ్‌లోని డోంగ్ (Dong) గ్రామం. అంజావ్ జిల్లాలో, సముద్ర మట్టానికి 1,240 మీటర్ల ఎత్తులో ఉన్న ఈ గ్రామం భారత్, చైనా, మయన్మార్ సరిహద్దుల త్రి-సంగమం వద్ద కొలువై ఉంది.దేశం మొత్తం ఇంకా గాఢ నిద్రలో ఉండగానే, ఇక్కడ ఉదయం 4:00 నుండి 4:30 గంటలకే సూర్యకిరణాలు బంగారు వర్ణంలో పర్వతాలను ముద్దాడుతాయి.1999లో ఈ గ్రామానికి ‘తొలి సూర్యోదయ వేదిక’గా గుర్తింపు రాగా, ఆనాటి నుండి పర్యాటకులు ఈ మాయాజాలాన్ని చూడటానికి ఆసక్తి చూపుతున్నారు. ఈ అపురూప దృశ్యాన్ని చూడాలంటే అర్ధరాత్రి 2 గంటలకే ట్రెక్కింగ్ ప్రారంభించాల్సి ఉంటుంది, ఇది సాహస ప్రియులకు ఒక థ్రిల్లింగ్ అనుభవం.లోహిత్, సతి నదుల సంగమ దృశ్యాలు ,సమీపంలోని వేడినీటి బుగ్గలు ఈ ప్రాంతాన్ని ఒక పర్యాటక స్వర్గంగా మార్చాయి.పర్యావరణ ప్రేమికులు, ఫోటోగ్రాఫర్లు ప్రతి ఏటా ఇక్కడి నిశ్శబ్ద ప్రకృతిని, స్వచ్ఛమైన ఆకాశాన్ని ఆస్వాదించడానికి తరలివస్తుంటారు.