సింహపురి వేదికగా పసుపు పండుగ…భారీగా ఏర్పాట్లు

ప్రతి ఏటా తెలుగుదేశం పార్టీ కేడర్‌ లో నూతనుత్తేజాన్ని తీసుకొచ్చే పసుపు పండుగ ‘మహానాడు’కు ఈసారి  నెల్లూరు జిల్లా వేదిక కానుంది. మే 27 నుంచి మూడు రోజుల పాటు జరిగే ఈ వేడుక కోసం నెల్లూరు జిల్లాలోని కొడవలూరు మండలం రెడీ అవుతోంది. సింహపురి వేదికగా అధికారంలోకి వచ్చి రెండు ఏళ్లు పూర్తవుతున్న నేపథ్యంలో  పసుపు జెండా రెపరెపలాడేందుకు సర్వం సిద్ధం చేస్తున్నారు. ఈనెల  27 నుండి 29 వరకు మూడు రోజుల పాటు ఈ వేడుకలు గ్రాండ్ గా జరగనున్నాయి. నెల్లూరు ప్రజలు సైతం ఈ భారీ బహిరంగ సభ కోసం ఆసక్తిగా ఎదురుచూస్తున్నారు. రాజకీయ సమీకరణాలను మార్చే దిశగా ఈ మహానాడు అడుగులు వేయబోతోంది. నెల్లూరు మహానాడు నిర్వహణపై మంత్రులు ఆనం రామనారాయణ రెడ్డి, పొంగూరు నారాయణ ప్రత్యేక శ్రద్ధ పెట్టారు. జిల్లాలో నిర్వహించే ఈ భారీ కార్యక్రమంపై వారు శ్రేణుల్లో ఉత్సాహం నింపుతున్నారు. పార్టీ యంత్రాంగం అంతా ఈ మూడు రోజులు ఇక్కడే ఉండి దిశానిర్దేశం చేస్తుంది. మహానాడును విజయవంతం చేయడంపై మంత్రులు ఇప్పటికే కార్యచరణ సిద్ధం చేశారు. జిల్లా వ్యాప్తంగా పార్టీ శ్రేణులు ఈ పర్యటన కోసం వేయీ కళ్లతో చూస్తున్నారు. మంత్రుల నేతృత్వంలో ఏర్పాట్లు అత్యంత ప్రతిష్టాత్మకంగా సాగుతున్నాయి. సింహపురి రాజకీయాల్లో ఇదొక చారిత్రాత్మక ఘట్టంగా నిలిచిపోనుంది. మహానాడు నిర్వహణ కోసం ఎంపిక చేసిన వేదిక అందరినీ ఆశ్చర్యపరుస్తోంది. కొడవలూరు మండలంలోని ఇఫ్కో కిసాన్ స్పెషల్ ఎకనామిక్ జోన్ దీనికి వేదిక కానుంది. దాదాపు 150 ఎకరాల సువిశాల ప్రదేశంలో ఏర్పాట్లు శరవేగంగా జరుగుతున్నాయి. లక్షలాది మంది తరలివచ్చినా ఇబ్బంది కలగకుండా ప్రణాళికలు రూపొందించారు. మొదటి రోజు నుండి చివరి రోజు వరకు కార్యక్రమాల షెడ్యూల్ ఖరారైంది. పార్టీ విధానాలు , భవిష్యత్ కార్యాచరణపై ఇక్కడ చర్చలు జరగనున్నాయి. 28వ తేదీన ఎన్టీఆర్ జయంతి వేడుకలు ఈ మహానాడులో ప్రధాన ఆకర్షణగా నిలుస్తాయి. పదీంతో పసుపు దండుకు ఇదొక పండుగలా మారనుంది. ఈ మూడు రోజులు ఆంధ్రప్రదేశ్ రాజకీయాలు నెల్లూరు చుట్టూనే తిరుగుతాయి. ప్రతి రోజూ ఒక ప్రత్యేక ఎజెండాతో సమావేశాలు  జరగనున్నాయి. కార్యకర్తల్లో ఉత్సాహం నింపేందుకు నాయకులు ప్రత్యేక ప్రసంగాలు చేయనున్నారు. మే 29వ తేదీన ముగింపు సభతో ఈ వేడుకలు పూర్తవుతాయి. ఈసారి మహానాడుకు హాజరయ్యే జనసందోహం రికార్డులను తిరగరాయబోతోంది. దాదాపు ఐదు లక్షల మందికి పైగా కార్యకర్తలు వస్తారని అంచనా వేస్తున్నారు. ముగింపు సభలో తీసుకునే నిర్ణయాలు రాష్ట్ర రాజకీయాల్లో కీలకంగా నిలవనున్నాయి. ఈ భారీ బహిరంగ సభ విజయవంతం కావడం ఖాయమని క్యాడర్ ధీమాగా ఉంది. ఆంధ్రప్రదేశ్ నుంచే కాకుండా తెలంగాణ, ఇతర పొరుగు రాష్ట్రాల నుంచి కూడా ప్రతినిధులు తరలిరానున్నారు. మొదటి రోజు ప్రతినిధుల సభ, రెండో రోజు బహిరంగ సభ, మూడో రోజు ఎన్టీఆర్ జయంతి వేడుకలతో ఈ మూడు రోజులు నెల్లూరు జిల్లా పసుపు వర్ణంతో నిండిపోనుంది.