శ్రీలీల ముంబైలో ఉండటానికి అసలు కారణం ఇదే..!

పెళ్లిసందD సినిమాతో తెలుగు ఇండస్ట్రీలోకి గ్లామరస్ ఎంట్రీ ఇచ్చి.. రవితేజ ధమాకా సినిమాతో ఓవర్నైట్ స్టార్ హీరోయిన్ అయిపోయిన డ్యాన్సింగ్ క్వీన్ శ్రీలీల గురించి ప్రత్యేకంగా చెప్పాల్సిన పనిలేదు. ఒక దశలో టాలీవుడ్ లో ఏ అగ్ర హీరో సినిమా చూసినా శ్రీలీలనే హీరోయిన్. ఇండస్ట్రీలో ఉన్న కుర్రకారును తన డ్యాన్స్ తో, క్యూట్ ఎక్స్ప్రెషన్స్తో ఉర్రూతలూగించిన ఈ బ్యూటీ.. గత కొంతకాలంగా టాలీవుడ్ కు పూర్తిగా దూరంగా ఉంటోంది. ఒకప్పుడు వరుస ఆఫర్లతో డేట్స్ అడ్జస్ట్ చేయలేనంత బిజీగా ఉన్న శ్రీలీల, సడెన్ గా సైలెంట్ అయిపోయేసరికి.. ఇండస్ట్రీలో ఎన్నో పుకార్లు మొదలయ్యాయి. శ్రీలీల స్పీడ్ తగ్గిందని, ఆమె సినిమాలు ఫ్లాప్ అవ్వడం వల్లే కొత్త ఆఫర్లు రావడం లేదని, ఇక టాలీవుడ్ లో ఆమె పని అయిపోయిందని సోషల్ మీడియాలో ఎవరికి తోచినట్లు వాళ్లు రూమర్స్ స్ప్రెడ్ చేశారు. కానీ, తన కెరీర్ లో వచ్చిన ఈ గ్యాప్ వెనుక ఉన్న అసలు కారణం ఏంటో, తాను ఎందుకు టాలీవుడ్ ను వదిలేసి ముంబైకి మకాం మార్చాల్సి వచ్చిందో స్వయంగా శ్రీలీలనే బయటపెట్టింది.
కేవలం 5 నెలల వ్యవధిలోనే ఆమె నటించిన ఏకంగా 5 సినిమాలు థియేటర్లలోకి వచ్చాయి. రామ్ పోతినేనితో స్కంద, బాలకృష్ణ ప్రధాన పాత్రలో నటించిన భగవంత్ కేసరి, వైష్ణవ్ తేజ్ తో ఆదికేశవ, నితిన్ తో ఎక్స్ట్రా ఆర్డినరీ మ్యాన్, మహేశ్ బాబుతో చేసిన గుంటూరు కారం..అయితే వీటిలో భగవంత్ కేసరి మినహా మిగతా సినిమాలు ఆశించిన స్థాయిలో బాక్సాఫీస్ వద్ద ఆడలేదు. దీంతో శ్రీలీల మీద నెగెటివ్ కామెంట్స్ స్టార్ట్ అయ్యాయి. ఆమె ఫ్లాప్ హీరోయిన్ అని, డైరెక్టర్లు ఆమెను పక్కనపెట్టేశారని వార్తలు రావడం మొదలయ్యాయి. కానీ, శ్రీలీల ఆ రూమర్స్ దేనికీ స్పందించలేదు. సైలెంట్ గా తన పనుల్లో తాను బిజీ అయిపోయింది. చాలా నెలల తర్వాత తాజాగా జరిగిన ఓం సినిమా ఈవెంట్ లో ఆ నెగెటివ్ ట్రోల్స్ కు గట్టి కౌంటర్ ఇచ్చింది.
శ్రీలీల ముంబైకి వెళ్లడానికి, సినిమాలకు గ్యాప్ ఇవ్వడానికి అసలు కారణం హిట్స్, ఫ్లాప్స్ కాదు.. తన మెడికల్ స్టడీస్. అవును, శ్రీలీల వృత్తిరీత్యా ఒక డాక్టర్. నా మెడిసిన్ చదువు పూర్తయిన తర్వాత, నేను ముంబైలో రెండేళ్ల పాటు కచ్చితంగా ఇంటర్న్షిప్ చేయాల్సి వచ్చింది. ఆ సమయంలో నాకు టాలీవుడ్, కోలీవుడ్ నుంచి ఎన్నో భారీ సినిమా ఆఫర్లు వచ్చాయి. కానీ, ఒక డాక్టర్ గా ప్రాక్టికల్స్ నేర్చుకోవాలంటే నేను అక్కడ హాస్పిటల్ లో భౌతికంగా ఉండటం తప్పనిసరి. అందుకే అప్పుడు వచ్చిన చాలా మంచి ఆఫర్లను కూడా కాదనాల్సి వచ్చింది అని శ్రీలీల అసలు నిజాన్ని బయటపెట్టి రూమర్లకు గట్టి చెక్ పెట్టింది. ఒక స్టార్ హీరోయిన్ స్టేటస్ లో ఉండి, చేతికొచ్చిన కోట్లకు కోట్ల రెమ్యునరేషన్స్ ను కాదనుకుని, తన చదువు కోసం, ఒక డాక్టర్ గా సమాజానికి సేవ చేయాలన్న తన లక్ష్యం కోసం ముంబై వెళ్లి రెండేళ్లు ఇంటర్న్షిప్ చేయడం నిజంగా ఆమె అంకితభావానికి నిదర్శనం అని అభిమానులు ఇప్పుడు ప్రశంసిస్తున్నారు. ముంబైలో తన ఇంటర్న్షిప్ దాదాపు కంప్లీట్ చేసుకున్న శ్రీలీల, ఇప్పుడు మళ్లీ ఫుల్ టైమ్ యాక్టింగ్ పై ఫోకస్ పెట్టింది. ప్రస్తుతం తమిళం, హిందీ చిత్రాలతో బిజీగా ఉంది. ధనుష్, మమ్ముట్టి, సాయి పల్లవి నటించిన ఓం లో రోజా పాత్రలో కనిపించనుంది. మరోవైపు రజనీకాంత్ సినిమా ధర్మన్, అజిత్ నటిస్తున్న డేర్ డెవిల్ ప్రాజెక్టులతో పాటు కార్తీక్ ఆర్యన్ సరసన ఓ హిందీ సినిమాలోనూ నటిస్తోంది.



