ఆస్ట్రేలియా దిగ్గజ క్రికెటర్ సర్ డొనాల్డ్ బ్రాడ్ మన్ క్యాప్ కు భారీ ధర పలికింది. క్రికెట్ చరిత్రలోనే అత్యంత గొప్ప క్రికెటర్ గా పేరు గడించిన ఆయన ఉపయోగించిన బ్యాగీ గ్రీన్ క్యాప్ కూడా రికార్డ్ సృష్టించింది. 1947-48లో భారత క్రికెటర్ శ్రీరంగ వాసుదేవ్ సాహోనికి బ్రాడ్ మన్ బహుమతిగా ఇచ్చిన క్యాప్ ను ఇటీవల వేలం వేయగా.. రూ.4 కోట్ల 21 లక్షలకు ఒక వ్యక్తి దక్కించుకున్నారు. శ్రీరంగ వాసుదేవ్ కుటుంబం ఈ టోపీని 75 ఏళ్ల నుంచి భద్రపరిచింది. ఈ టోపీ లోపల బ్రాడ్ మన్ వాసుదేవ్ పేర్లు ఉన్నాయి. గతంలోనూ ఆయన టోపీలను వేలం వేయగా భారీ ధర పలికాయి. 1947-48లో లాలా అమర్ నాథ్ సారథ్యంలోని భారత జట్టు ఆస్ట్రేలియా పర్యటించింది. అయిదు టెస్టుల సిరీస్ ను 4-0తో ఓడింది. ఒక మ్యాచ్ డ్రా చేసుకుంది. భారత స్వాతంత్య్రం వచ్చిన తర్వాత తొలి ఆస్ట్రేలియా పర్యటన అదే కావడం గమనార్హం.
