భారత యువ షట్లర్ ఇషారాణి బారువా థాయిలాండ్ మాస్టర్స్ బ్యాడ్మింటన్ టోర్నీలో రెండో సీడ్ సౌత్ కొరియాకు చెందిన సంగ్ షువో యున్ పై గెలిచి క్వార్టర్స్ కు దూసుకెళ్లింది. మహిళల సింగిల్స్ ప్రిక్వార్టర్స్లో ఆమె 21-13, 14-21, 21-14తో సంగ్ పై విజయం సాధించింది. మరో మ్యాచ్ లో దేవిక షగ్ 21-14, 21-14తో చైనీస్ తైపీకి చెందిన టుంగ్ టాంగ్ పై గెలిచి క్వార్టర్స్ చేరింది. పోటాపోటీగా సాగిన పురుషుల సింగిల్స్ ప్రిక్వార్టర్స్, తరుణ్ మన్నెపల్లి 21-17, 14-21, 24-22తో టింగ్ యెన్ (చైనీస్ తైపీ)పై విజయం సాధించాడు. కిరణ్ జార్జ్ 16-21, 11-21తో ఇండొనేసియాకు చెందిన బగాస్ షుజివో చేతిలో,మిథున్ మంజునాథ్ 21-11, 16-21, 12-21తో మలేసియాకు చెందిన జియా చేతిలో ఓడి టోర్నీ నుంచి నిష్క్రమించారు.
