ఇండియా ఓపెన్ ప్రపంచ టూర్ సూపర్ 750 టోర్నీలో భారత్ తన పోరాటాన్ని ముగించింది. స్టార్ షట్లర్ లక్ష్యసేన్ క్వార్టర్ ఫైనల్ లో పరాజయం చెందాడు. తాజాగా జరిగిన పురుషుల సింగిల్స్ మ్యాచ్ లో లక్ష్యసేన్ 21-17, 13-21, 18-21తో చైనీస్ తైపీకి చెందిన లిన్ చున్ చేతిలో ఓటమి చెందాడు. ప్రిక్వార్టర్స్లో కిదాంబి శ్రీకాంత్ 14-21, 21-17, 17-21తో ఫ్రాన్స్ కు చెందిన క్రిస్టో పొపోవ్ చేతిలో, హెచ్.ఎస్.ప్రణయ్ 21-18, 19-21, 14-21తో లో సింగపూర్ కు చెందిన కీన్ యు చేతిలో పరాజయం పాలయ్యారు. టై ఫేవరెట్ సాత్విక్ సాయిరాజ్- చిరాగ్ శెట్టి జోడీ కూడా టోర్నీ నుంచి నిష్క్రమించింది. పురుషుల డబుల్స్ ప్రిక్వార్టర్స్లో సాత్విక్- చిరాగ్ జోడీ 27-25, 21-23, 19-21తో జపాన్ కు చెందిన హిరోకి మిదొరికవా- కొహె యమషిత జంట చేతిలో పోరాడి ఓడింది. మహిళల డబుల్స్ ప్రిక్వార్టర్స్లో గాయత్రి గోపీచంద్- ట్రీసా జాలీ జోడీ 22-20, 22-24, 21-23తో చైనా ద్వయం లీ యిజింగ్- లూ షుమిన్ చేతిలో పరాజయం ఓటమి చెందారు.
