వారణాసిలో రాముడిగా మహేశ్ బాబు విశ్వరూపం
బాలీవుడ్ దర్శకుడు నితేశ్ తివారీ ఎంతో ప్రతిష్ఠాత్మకంగా తెరకెక్కించిన రామాయణ సినిమా ప్రస్తుతం థియేటర్లలో సునామీ సృష్టిస్తోంది. రిలీజైన ఫస్ట్ షో నుంచే పాజిటివ్ రెస్పాన్స్ రావడంతో దేశవ్యాప్తంగా భారీ కలెక్షన్లతో దూసుకుపోతోంది. యానిమల్ లో అత్యంత వైలెంట్ క్యారెక్టర్ చేసిన రణ్‌బీర్ కపూర్.. ఈసారి అత్యంత ఆదర్శప్రాయమైన శ్రీరాముడి పాత్రలో కనిపిస్తే జనాలు యాక్సెప్ట్ చేస్తారా అన్న సందేహాలు మొన్నటి వరకు ఉండేవి. కానీ తన నటనతో రణ్‌బీర్ ఆ అనుమానాలన్నింటినీ పటాపంచలు చేశాడు. అయితే రణ్‌బీర్ కపూర్ జస్ట్ శాంపిల్ మాత్రమే..అసలైన సర్ప్రైజ్ ముందుందని సూపర్ స్టార్ మహేశ్ బాబు ఫ్యాన్స్ కాలర్ ఎగరేస్తున్నారు. ఎందుకంటే వెండితెరపైకి రాబోతున్న నెక్స్ట్ రాముడు మరెవరో కాదు..మహేశ్ బాబే. దర్శకధీరుడు రాజమౌళి పాన్ వరల్డ్ స్థాయిలో తెరకెక్కిస్తున్న వారణాసిలో మహేశ్ బాబును ఒక ఎపిసోడ్‌లో శ్రీరాముడిగా చూపించబోతున్నారన్న వార్త ఇప్పుడు ఇండస్ట్రీని షేక్ చేస్తోంది.
రాజమౌళి, మహేశ్ బాబు కాంబినేషన్‌లో వస్తున్న వారణాసి సినిమా మొత్తం రామాయణం కాదు. ఇది ఒక యాక్షన్ అడ్వెంచర్ , ఫాంటసీ బ్యాక్‌డ్రాప్ అని అందరికీ తెలుసు. కానీ, ఈ వారణాసి బ్యాక్‌డ్రాప్‌లో వచ్చే ఒక కీలకమైన ఎపిసోడ్‌లో మహేశ్ బాబును శ్రీరాముడిగా రాజమౌళి చూపించబోతున్నారట. సినిమా మొత్తం రాముడి పాత్ర లేకపోయినప్పటికీ.. ఆ వచ్చే 20 నిమిషాల ఎపిసోడ్ క్రియేట్ చేసే ఇంపాక్ట్ మామూలుగా ఉండదని ఇన్‌సైడ్ టాక్ గట్టిగా వినిపిస్తోంది. ఈ క్యారెక్టర్‌ను, ఆ ఎపిసోడ్‌ను జక్కన్న డిజైన్ చేసిన విధానం అత్యద్భుతంగా ఉంటుందని చిత్ర యూనిట్ నుంచి లీక్ అయిన సమాచారం. ఇండియన్ స్క్రీన్ మీద ఇప్పటి వరకు ఎవరూ చూపించని ఒక కొత్త కోణంలో మహేశ్ బాబు అందులో కనిపిస్తారని, కేవలం ఆ ఒక్క ఎపిసోడ్ కోసమే సినిమాను పది సార్లు చూసేలా రాజమౌళి ప్లాన్ చేశారని తెలుస్తోంది.
గతంలో ఆర్ఆర్ఆర్ సినిమాలో రామ్ చరణ్‌ను అల్లూరి సీతారామరాజుగా చూపించిన విధానం మనందరికీ తెలుసు. క్లైమాక్స్‌లో రామ్ చరణ్ విల్లు, బాణం పట్టుకుని కాషాయ వస్త్రాలతో ఎంట్రీ ఇస్తే.. ఆడియన్స్ ఆయనలో సాక్షాత్తూ ఆ శ్రీరాముడినే చూసుకుని సోషల్ మీడియాలో విపరీతంగా వైరల్ చేశారు. డైరెక్ట్‌గా రాముడిని చూపించకపోయినా ఆ ఇంపాక్ట్ అలా ఉంటే.. ఇప్పుడు స్వయంగా మహేశ్ బాబు ను డైరెక్ట్‌గా శ్రీరాముడి క్యారెక్టర్‌లో చూపిస్తే ఆ హైప్ ఏ రేంజ్‌లో ఉంటుందో ప్రత్యేకంగా చెప్పనక్కర్లేదు. ప్రేక్షకులకు ఎప్పుడూ నెక్స్ట్ లెవెల్ సినిమాటిక్ ఎక్స్‌పీరియన్స్ ఇవ్వడానికి పరితపించే రాజమౌళి.. ఈ రాముడి క్యారెక్టర్ కోసం ప్రత్యేక శ్రద్ధ తీసుకున్నట్లు తెలుస్తోంది. మహేశ్ బాబు మేకోవర్, కాస్ట్యూమ్స్, వాడే ఆయుధాలు.. ప్రతిదీ ఒక విజువల్ వండర్‌గా ఉండబోతోంది. అందుకే, ఇప్పుడు రణ్‌బీర్ కపూర్ రామాయణ కొల్లగొడుతున్న కలెక్షన్లను, ఆ క్రేజ్‌ను రాజమౌళి తన మేకింగ్ మాయాజాలంతో వారణాసి తో ఈజీగా ఓవర్‌టేక్ చేస్తాడని సినీ విశ్లేషకులు అభిప్రాయపడుతున్నారు. ఈ సినిమాకు సంబంధించిన షూటింగ్ దాదాపు పూర్తయినట్లు ఇండస్ట్రీ వర్గాల సమాచారం. రాజమౌళి తండ్రి విజయేంద్ర ప్రసాద్ అద్భుతమైన స్టోరీని అందించగా, దుర్గా ఆర్ట్స్ బ్యానర్‌పై సీనియర్ నిర్మాత కె.ఎల్. నారాయణ ఏమాత్రం కాంప్రమైజ్ కాకుండా ఈ చిత్రాన్ని నిర్మిస్తున్నారు. ఆస్కార్ అవార్డు గ్రహీత ఎం.ఎం. కీరవాణి సంగీతం అందిస్తుండగా, రమ రాజమౌళి కాస్ట్యూమ్స్ డిజైన్ చేస్తున్నారు. ఈ సినిమాలో కాస్టింగ్ కూడా గ్లోబల్ లెవెల్‌లో ఉంది. ప్రియాంక చోప్రా హీరోయిన్‌గా అలరించనుంది. పృథ్వీరాజ్ సుకుమారన్ కుంభ అనే కీలక పాత్రలో కనిపించబోతున్నారు. సినిమా షూటింగ్ పూర్తి కావడంతో, అతి త్వరలోనే ప్రపంచవ్యాప్తంగా వినూత్న రీతిలో ప్రమోషన్లు మొదలుపెట్టబోతున్నారట. 2027 ఏప్రిల్ 7వ తేదీన వారణాసి మూవీ ప్రపంచవ్యాప్తంగా పలు భారతీయ భాషలతో పాటు, విదేశీ భాషల్లోనూ గ్రాండ్‌గా రిలీజ్ కానుంది.
